أنا والله بحيه أبتليت..

[ملكة الإحساس]

عاتبني لو جرحتك بكلامي وقسيت*
وإكثر من اللوم بس لا ترحل
حب انا زرعته بيدي وإنت إللي سقيت
حرام بلحظة طيش نهده ونندم
حرام تقسى على قلب حبك ويا ليت
عمري إنفني ولا ورود الحب تذبل
لا يا بعد روحي بالبعد إنااللي بديت
وأنا من كثر حزني لساني تقول
وش هقوتك من قلب يهواك بهجره جيت*
يا عساه ينساك و من فوره ما يسال
عمرك شفت طير لا سكين عليه مديت
عقب الذبح سلم روحه ما تململ
ذبحتني يوم قلت سلام وأناللبعد طريت
تتصور يموت إحساسي والجرح أتحمل
تتخيل مشاعري تنطفي لو بصمت رديت
لا يا بعد روحي مليون ذكرى بلحظه اتخيل
تخيلت كل الثواني والأماكن من يوم حبيت*
وطرى على بالي الفرح والالم والسهر والشوق اتخيل
تذبحني كل ما سيف الهجر مديت
وما تبي مظلوم من ظلمه يتعلل
أبي اخبرك أنا طير وبحبك إبتليت
أرجاك أعذر الطير لو عقب سكين هجرك تململ

[الأطخم]

ذبحتني يوم قلت سلام وأناللبعد طريت
تتصور يموت إحساسي والجرح أتحمل
تتخيل مشاعري تنطفي لو بصمت رديت




ماشاء الله عليك والله رووعه الابيااات

صح لسانك وتسلم يدينك يارب

اتمنى مواصلة الابداع

[روح المشاعر]

وما تبي مظلوم من ظلمه يتعلل
أبي اخبرك أنا طير وبحبك إبتليت
أرجاك أعذر الطير لو عقب سكين هجرك تململ


صح لسانج غاليتى

كلامات قوية وحساسة

بانتظار يديدج يالغلا..

[أبو سامي]

حرام تقسى على قلب حبك ويا ليت
عمري إنفني ولا ورود الحب تذبل


بوح عذب لامس شغاف القلوب لشفافيته وبساطته وروعة معانيه

صح لسانكِ صاحبة هذه الاحاسيس المرهفة أختى الكريمة ملكة الإحساس

مررت من هنا فشدني بوحكِ العذب فتقبلي تواجدي

وتقبلي تحيتي وتقديري .

[شووق]

تسلم اناملك ياغاليتي
احترت ايش اختار من الابيات فقد اعجبتني جدا جميعها
وشعرت بها تلامس ما بداخلي من مشاعر يعطيك العافيه
تقبلي مروري ولكي تحياتي

[ملكة الإحساس]

أسعدني مرروكم في صفحتي