بسألك، لا رحت منهو مننا الخســـران ؟

[khaled]

ترحل وتحسبني لارحلت اقدر على النسيان..
وانا اللي لاطرا طاري رحيلك ضعت بشتاتـــــي

دخيلك ،،بسألك لارحت منهو مننا الخسران..
أنا والاّ انت ؟،،جاوب قبل ماتكتب بي آهاتـــــي

أنا اللي من عرفتك والسما قوس وغلاك الوان..
وأرضي تعزف اهزوجة فرح لاجتْك خطواتي

وصوتك غيمة ٍ أحيت جفافي ، والوصل هتّان..
وحزن عمري يموت بضحكتك ياكل بسماتـــي

تعرف انك غلاي وراحتي ، وان التعب لابان..
يموت ان جيتلك ياللي هواك اجمل حكاياتـــــي

وتعرف اني على بساط انتظاري أجمع الأحزان..
واكبّلها اذا وصلك اخذني من متاهاتــــــــــي

انا من قبل اعرفك مالقيت لهالعمر عنوان..
سوى : حزن وأمل ضايع ،ويأسي هو مداراتــــــي

أنا من قبل اعرفك كنت اقول ان الغلا حقران..
واقول ان الهوى كذبه ،،قناعاتي كما الآتــــــي

قليل اللي صدق ،،واللي يخون بهالزمن كسبان..
كثير اللي يمرون ،،وقِناعاتي قناعاتـــــــــــي

وجيت وعرفت اني بحكمي كنت انا الغلطان..
وصرت انت القناعات ،،وحنيني وإتجاهاتــي

دخيلك ،،مابقى فيني شعور ٍ يحتمل خذلان..
دخيلك لاتخليني أسير ليأس راياتــــــــــــــي


أرق وأجمل تحاياي / خـــــــالد ..

[Bahraini2008]

أجمل وأروع كلمات ولأول مشاركة

نتظر من مشاركات أكثرو أحلى

دمت بود

[خجل العذارى]

أخــي خالـــــد ..

لجمال كلماتكـ رونق مميــز ..

لا عدمنـاك ولا عدمنا سطوركـ

نحن في إنتظار الجديد من إبداعكـ..

تحيتي / خجل العذارى..

[عمر آلعمر]

أبدع قلمك بما سطر من مشاعر صادقة ..

وأبدع قلمك في ما نسجه من كلمات ..


تقبل مني أجمل تحياتي

[اكليل الورد]

كلمات غاية في الروعة والجمال
شكرا لك على هذه الاحاسيس الصادقة..

دمت بتميز
ننتظر جديدك

[..!! الهوى الغايب !!..]

\

كمآ هو الحب ,,{نتذوق به ..كل شيء

الآلم..الفرح,,{السعاده..الحزن,,{الفخر ..الذل

ولكن يبقى طعمه مميز ,,}

\

خ ــــــــأإأإأإأإأإألد../

قلمك يستحق الوقوف امآمه ../

كلماتك اجبرتني على التنفس هنآ ../

دمت بخير ../

\

[صدى الروح]

ما أجمل أن ننفعل ونستطيع

البوح فتطاوعنا أقلامنا أو تآبى

ولكن هنا أقف تحية ً وإعجابا ً
ببوحك الناضح بالجمال ِ والروعة

جورية لنبضك

[توتي]

الكلمات ابداع يعطيك العافيه اخوووي ع الطرح

[ام سامح]

كلمات رائعه

تسلم يدك على الاحساس الراقى

ويعطيك العاافية

تحياتي لك

[ذا اند]

👍🏼