المساعد الشخصي الرقمي

مشاهدة النسخة كاملة : آلبارحه


عاشق ريســــــــــه
08-08-2009, 05:01 PM
،؛،.. الــبـارحـــة ..،؛،
البارحة ربي كتب لي ومريت ..
..دربٍ عليه بروق الأحباب لاحت
جيت المكان اللي جمعنا وخفيت ..
.. وقامت جروحي للجوارح وصاحت
ياليتني في لفة الدرب زليت ..
.. كان العيون من الدموع استباحت
التم غيم الدمع من يوم لفيت ..
.. وورقا القصيد لشوفة الغيم ناحت
وضحكت ما أبغي الناس تدري يبالفيت ..
.. لكنها غصبٍ على العين ساحت
حارت دموعي في عيوني وصديت ..
.. وأرمشت ما بيها تبين .. وطاحت
وعقبه برق في العين براق .. واسقيت ..
.. خدي ووناتي بصدري تلاحت
وأنا أحسب إني في فراقه تشافيت ..
.. وان عبرتي من مدخل الزاد زاحت
اللي يحسب إني على البعد سجيت ..
.. والا ان عيوني للرقاد استباحت
ياليتني من قبل لا أحبه اقفيت ..
.. والا ان دروبي عن دروبه تناحت
أهون علي من البكا والتناهيت ..
.. وأشلا من سدودٍ على الناس باحت
عرفت كيف الحي يفرق عن الميت ..
.. وعرفت قيمة نعمتي يوم راحت
قولوله اني عقب بعده تدانيت ..
.. ورجلي عن دروب المعافين شاحت
البعد نار وطاعة العذل كبريت ..
.. يقصر على بعده .. ترى الكبد فاحت

مما رآآآآآآآآقــــ لي لشاعر:: آبن افطيس

عمر آلعمر
08-08-2009, 08:24 PM
صح لسان من قالها ..

وتسلم إيد ناقلها ..

ابن فطيس شاعر رائع ومتألق ولا يحتاج إلى شهادة ..

إنتقاء جميل يا عاشق ريســـه ..

دمت بحفظ الله ..

عاشق ريســــــــــه
08-08-2009, 10:28 PM
صح آبدنك اعــ الناس ــــز

و تستهلون كل ماهو جميل

فـــــارس
08-08-2009, 11:53 PM
تسلم يمينك عاشق ريسه وفعلاً راقت لي القصيده
يعطيك العافيه ودمت بسعاده

عاشق ريســــــــــه
08-09-2009, 12:12 AM
مشكوووووووووووووو فارس
وتستاهل كل خير وكل ماهو جميل