جريمــة سويتهــا وأنــت صغيــر

[رنا]

مرحبـــا: شبــاب وصبايــا


الموضوع واضح من عنوانـــــه


كل عضو يدخل يكتب لنا جريمة سواها يوم كان صغير


عاد أووووووووو يوم احنا صغار كنا نسوي حركاااات ومقالب

ولحد يقول ما سويت شي وخصوصاً الشباب

عاد حياتكم كلها جرايم :ddsx:



خلونا نشوف من أكبر مجرم بالمنتدى!!

أنا عن نفسي يوم كنت صغيرة كنت أتصل على أرقام تلفونات

ما أعرفها بس علشان أزعجهم :sdss4:

بس لما جا كاشف الرقم أدبني :gfee:


بانتظــــار تفاعلكــــم!!

[مبارك القليعي]

أولاً:
بالنسبه لجريمتي
هذي أخطر جريمة سويتهآ بحيآتي :


وأنا صغير
يوم كنت عآيش عند عمي
راحوا حفلة زواج وما بقى بالبيت الا أنا وبنت عمي اللي قدي ومعنا الشغاله
المهم
قلت لبنت عمي: وشرايك نخوف الشغاله؟
قالت: كيف؟
قلت: أنتي أدخلي بالفريزر .. وأنا بروح أنادي الشغالة وأخليها تفتح الفيريزر وأنتي نطي عليها
قالت: طيب
يوم دخلت الفريزر .. رحت أدور الشغالة
لقيتها بالحمام تتروش
قلت في نفسي خلني أروح أتـفرج تلفزيون ألين ما تطلع الشغالة من الحمام
ورحت أتـفرج بأفلام كرتون ونسيت إن بنت عمي بالفريزر خخخخخخخ
من حسن حظها إن الشغاله دخلت المطبخ وسمعت صياحها
يوم خرجتها الشغالة .. وهي شفايفها زرقا وصوتها مبحوح وحالتها صعبة
راحت الشغالة أتصلت على عمتي .. وجات على طول
وودوها المستشفى
وطبعاً تكفخت .. تكفخت .. تكفخت .. تكفخت ..من عمتي
قالت لي ليش تحطها بالفريزر ؟؟
قلت بكل براءه والدمعة على خدي: والله مدري كنآ نلعب لو دريت إن بيصير كذا كان حطيتها بالفرن مو بالفريزر .. << يحسب إن الفرن أهون من الفريزر
عمتي بغت تنجن
هههههههههههههههههههههه

[Dr_lovely]

موضوووع يجننننن

بالنسبة لي أنا أحس جرائمي كثير بس نسيييييتها
اممممممم أحاول أتذكر

يوم كنا صغار كنت أحب عيال خالتي , فكان إذا جا ابوهم بياخذهم أتفق أنا وولد خالتي أنو نبنشر سيارة أبوه عشان يتأخر ما ياخذهم
سويناها أكثر من مرة وكان أبوه يستغرب يقول أنا ما تبنشر سيارتي إلا إذا جيتكم.. سبحان الله شي غريب وهو ما يدري إن خباثتنا هي السبب ههههههههههههه
أتوقع المرة الخامسة كفشنا بالصدفة وضربنا ضررررب لأنه حس أنه كان دلخ كل هذي الفترة هههههههههههههههههه


شكراً رنا على الموضوع كلك ذوق وخفة دم

[سعودي عز]

موضوع فلللللله

بالنسبه لي
كنت أكره عجوز جيرانا - من الله -
يمكن علشان انها مزيونه - أي هين -
المهم كل يوم تغسل ملابسها أجي أسرقهن
قاهرتني
وكفشني أبوي الله لا يوريكم من كف لـ كف
وبعدها توبة
:22www2:

[الهامور]

مشكوره رنو على الموضوع الحلو هذي أيام ماتقدر ننساها مهما صار


يوم كنت صغير صحوني للمدرسة وأنا مالي خلق أداوم المهم أجبروني الأهل أداوم
وقمت ولبست لبس المدرسة اللي هو ثوب الطاقه (الزي السعودي)
وأخذت فلوس المدرسة اللي هي ريالين مع سندوتش وعصير تانج وبعد ما طلعت من البيت
وكان بجنب البيت حديقة رحت لها وفطرت أنا والهندي اللي يشتغل في الحديقه والهندي هذا يعرف أبوي
قالي الهندي( ليش أنته مايروه مدرسه أنته مزنون ) قمت أضبط الوضع مع الهندي قلت له بعطيك فلوس وتسكت
الهندي فرح وقال كم قلت له ريالين وأنت مافي علم بابا قال الهندي كلاص
والساعة 12 رحت البيت على اني تعبان وجاي من المدرسة وحطيت راسي ونمت ما مرة ساعه على النوم
الا وبوي جاي تالني من رقبيتي وضرب وتشويت وترفيس واقوله وش فيك قالي ليش غايب اليوم
قلت له أنا مو غايب قال الهندي اللي في الحديقه قالي كل شي.

حسافه على الريالين اللي راحت للهندي الملعون من بعدها صرت أي هندي اشوفه في حديقه أحقد عليه.

ولكم جزيل الشكر ومعليش على الاطاله. اخوكم: الهـــامور

[رنا]

مبارك القليعي

يسلموووو خيوووو على المشاركة

تحياتي لك

[رنا]

Dr_lovely
يسلموووو خيوووو على المشاركة

تحياتي لك

[رنا]

سعودي عز
يسلموووو خيوووو على المشاركة

تحياتي لك

[رنا]

الهاومور
يسلموووو خيوووو على المشاركة

تحياتي لك

[عمر آلعمر]

يعطيك العافية يا رنا

فكرة جميلة وتم التثبيت


عن نفسي لو بذكر جرايمي ما بتكفيها صفحتك :ddsx:

تقبلي مروري وأجمل تحياتي

[سمر]

رنا لعبتكـ حلوة ...

انا جريمتي هي ...

مرة كنت مع اخوي

اللي اكبر مني طلعنا

الشارع وبيت اخت جدتي

بجانبنا و ولدها ساكن معها

المهم

رحنا انا واخوي بجانب

سيارة ولد اخت جدتي

ونسمنا سيارته وما احد

يدري لحد الحين.....

جوري ...:025:

[الفطفوووطة]

(رنا)
يعطيك العافيه على الموضوع الحلو:dfd3:
اما عني انا مغامراتي لا تعد ولا تحصى بس اكبر جريمه يوم احرقت الييت
هههههههههههههههههههههههههههههههههههههههههههههههههه هههههههههههه
كنت اهايط مسوي اني بطبخ واحط الزيت على الغاز واروح انسدح عند التلفزين<<<ظظظظظظظظظظظظظظظظظظظفره
شوي الا اسمع صوت انفجارات في المطبخ وحسبالي صوت المواعين
والله ومنسجمه مع المسلسل شوي الا والصوت يرتفع يوم نطيت ورحت للمطبخ الا وهو...................................<<<لا تعليق ويتجمعون الناس وتجي الدفاع المدني والاسعاف قصصصصصصصصصصصصصصصصصصصصصصصه
واليحن صار يضرب المثل فيني لا تطبخين بعدين تسوين مثل ......فلانه <<<<الي هي انا
:24[1]::24[1]:
هههههههههههههههههههههههههههههههههههههههههههههههههه هههههههه
تقبلو مروري^_^
ا
ل
ف
ط
ف
و
ط
ة

[توتي]

بالنسبه لي ماكان لي جرايم كنت بريئه جدا لكن بحاول اسئل امي عن
ايام الطفوله ويكون لي عوووده

[رنا]

جوري

يسلموووو خيتوووو على المشاركة

تحياتي لك

[رنا]

فطفووطة

يسلموووو خيتوووو على المشاركة

تحياتي لك

[رنا]

توتي

يسلموووو خيتوووو على المشاركة

تحياتي لك

[فـــــارس]

بصراحه الي احس إنها جريمه صح يوم كنت صغير
كان احد جيرانا مو سعودي اجنبي وكانت عنده سياره
قديمه من نوع مازدا
وكنت جني وقتها وما ادري حتى منين تجيني هالفكار
الغريبه
المهم وكان فيه في الحي بقاله وفيه كرتون بطاطس
مرمي عن البقاله مدري راعي البقاله مخليه برا ونسيه
المهم اخذت الكرتون ورحت لسيارة جارنا واقعد ادخل
البطاطس في عادم السياره ( الشكمان ) ويالله
بطاطس ورى بطاطس
لين الشكمان امتلى :ddsx:
واقعد اراقب اراقب :13dsmile:والله ويطلع جارنا ويشغل السياره
اول مره ما اشتغلت وثاني مره ما اشتغلت
وثالث مره يوم إشتغلت والا البطاطس
مثل القنابل يوم طلعت من الشكمان حق السياره وصوت
رهيب هههههههه وانفجع جارنا وانا بعد انفجعت
وحسبتها انفجرت السياره وجري على البيت
ولا من شاف ولا من درى . وش رايكم ماهي جريمه
دمتم بود ....

[رنا]

يسلموووووو الجميع على التفاعل والمشاركة

وفي انتظار جراااائم جديدة

ههههههههههههههههههههه

[nice man]

مشكور يارنو على الموضوع الحلو نايس

[كلي شموخ]

مشكووووره رنا على الموضوع الجميل .......

انا يوم كنت صغير طال عمرك حرقت البيت والسياره ورهنت البلاد والشيبه والعجوز ههههههههه <<<< نصااااب

لا تبيون الصدق كان عندنا جيران متحفضين يعني بالعربي متشددين ويقهروني وكان عندي قطوه سوداء

هههههههههه وكنت اروح ادق الجرس عليهم واحط القطوه وأهـــــــــرب ويفتحون هم الباب الا والقطوه تخش في

بيتهم ويطردونها والقطوه ذي حقت تكيه في الحاره انسى تهرب واخذها وعلى بيت الجيران الله يحيك ههههههه

واحلى جررررررس وكل يوم على هاذا الحال الين صادني أبوي وانا ادق الجرس وراني الدنيا بالمقلوووب

هههههههههههه (( وفي الختام نشكركم على حسن متابعتكم معنا والى الحلقه الجايه ان شاء الله )) << وش عنده المذيع ههههههههه

تقبلي مروري

كلي شموخ

بايووووو

سي يوو

[زاهي الكيف]

شكرا اخت رنا على هالموضوع الرائع

كل شئ من الممكن انساه الى جريمتي ويالها من جريمه كانت هوايتي هي دخول دوراة مياه المساجد وتعبأت بلاستيكات الوضوء بالماء وتثبيتها على الباب بحيث أن من يدخل الى داخل الدورة ويقوم بفتح الباب تهوي على رأسه وتبلله بالماء ولم أترك هذه العاده حتى كبرت فأسأل الله أن يغفر لي جريمتي

[عاشق ريســــــــــه]

آسوى جريمه في حياتي كنت آتلذذ في مطاردة آلثعبين كفانا الله شرهآآآآآآآآآآآآآ
وإلى آلوقت آلحالي آهوا مطاردتها....................

[$$ قلبي مملكة $$]

مشكورة رنا على الموضوع الروعة.

بالنسبة لجريمتي الي الحين في بالي هي:

كان عندنا حمام فوق السطح وكان في غرفة في السطح.

ويوم من الايام جت قطوة وتصعد من الدرج وتاكل من الحمام وتذبح الي قدرت وجرحت الي تقدر نحاسة يعني.

المهم انا واخواني مره دخلنا عليها السطح وهي تاكل حمامة وسكرنا الباب ولحقناها وطبت من فوق السطح ولا صار فيها شي.

وقررنا ان نصيدها ونذبحها انتقام منها.

ويوم من الايام صادت لها من الحمام ودخلت في الغرفة تاكلها .

جينا وسكرنا الباب عليها ودخل اخوي الكبير ومعاه حبل وسكر علية هو والقطوة الباب.

ونسمع صراخة وصراخ القطوة شوي الا طلع ورابط القطوة من رقبتها.

وقررنا نشنقها.

وفعلا ربطنا الحبل ورمينا القطوة من فوق وخلينها الى ان ماتت.

وخليناها ثلاثة ايام عظة وعبرة.

والحين عرفت ان الي سويناه حرام وان الاصل ننتبه على حمامنا ونقفل عليهم الباب.

وبس .

هذي الجريمة الي اذكرها الحين الصراحة.

وان ذكرت شي ثاني برجع لكم.

[شموخ السنة]

جرايمي كثيره بس كلها بحق :dfd3:


واللي أذكرها ومستحيل أنساها >> لأني أحس بعذاب الضمير الين ألحين :(


كان يجي صديق جدي كل يوم العصر >> الله يرحمهم جميع


وكان كل مايجي يطلب ماء وكان جدي يرسلني طبعاً مافي غيري :rolleyes:


ومايرسلني الا إذا كنت أتابع هايدي :p


عاد انا طفشت قلت هالشايب كل يوم جاي خلني أخرب سيارته الددسن :D


ومره من المرات >>> أحس اني قايله قصة حياتي :)


زبدة الهرج مره نزل من سيارته الموقره >> أعني المقربعه :12d1:


ولما شفته جلس وأرتكى وشرب قهوة وأنا أرووووح بسرعه أجمع حجر كثيـــــررررر :)


وأحطهم عند كفراته ع بالي بكذا خربتها ويجي ياقلبي عليه يشيلهم حبه حبه :(


بس مانفعت خطتي الفاشله جا ثاني يوم :eek:


وقلت بنفسي عادي أمشي خطتي الين يتعب وماعاد يجي بس مانفع :433:


الله يـــرحمه ويرحم جميع أموات المسلمين ويغفر لي ذنبي

وفي جرايم كثيره .. أذكر منها :

ضربت ولد الجيران بحجر ع راسه >> فلقته :o

ومره شوهت وجه بنت خالتي للحين مشوه :o

الله يوفقها بتتزوج قريب :ggs:

طبعاً هذه كلها وأنا صغيره بس الحين خلاص جرايم خفيفه

:433:


وسلااااامتكم ,,, توته توته خووولصت الحتوته


دمتم بـود

[عمر آلعمر]

ههههههههههههههههههههههـ

الله يقطع ابليسكـ يا شموخ ..

تاريخكـ إجرامي ..

[شموخ السنة]

ههههههههههههههههههههههـ


الله يقطع ابليسكـ يا شموخ ..

تاريخكـ إجرامي ..





مو بالحيل

:ddde:

[طُآل آلسفر !]

والله موضوع جميل صراحةً ..

وتعرفنا على شرآسة بعض الأعضاء المهذبين هههههههههههههه

..

آآآآآآآآ، بالنسبة لي ~ فيه جريمه صغنونه يوم كنت داشر بالحارة

كنت أخذ حجر معي والفلف على عماير ألجيران

واشوف السيارات الكشخه وتشششششخ تشخخخخخخخخ

الله يسامحني بس انعدمت بوية السيارة ههههههههههههههههه

--------------------------------------------------------------------

الجريمة الثانية / .. كنا نتجمع بعد الإختبارات النهائية كل يوم ( في المرحلة الأبتدائية )

وناخذ أكياس بلآلين .. ونعبيها مويه

وأي رفيق في الشارع طرطاااااااخ ههههههههههههههههههههه

<<< أبوك يالنذالة هههههههههههههههههههههههه

مره صفقنا واحد ياكل مسكين ماتهنى

آلله يسامح بس .. برآءة وراعين :D


http://www.up-00.com/s2files/rFe62908.gif (http://www.up-00.com/)

[أهدآب]

والله مــ/ــوضـ/ــوع حــ/ــلو
بس انا الله يكفيكم الشر كل جرايـــمي ســـرقـــ/ـــة:060:
لما كنت بالابتدائي اشوف البنات يكتبن باقلاه حـــ/ــبر كــ/ــشخه وكنت أإتــ/ــمني يكون عندي مثل أإقــلامهــ/ــن
لــ/ــما كنت أإطلب ابوي يجيب لي أإبو نــص<<القلم ابو اربع رياالات غالي عــ/ــنده من كثرنا مايــلــ/ــحق علينا
المهم
كنت أإروح المــ/ــكتبة أإشتري بريال قلم أإبو نص
وأإسرق كم قلـــــ/ــم من اللي ســعرهــ/ــن أإربع ريالات
لمــ/ــا يسألــ/ــني أإبــ/ــووي أقول لقــــيته بالشــ/ارع:059:



ومــ/ــره أإنا وخـــ/ــواتي:533: رحنا بنت جــ/ــيرانا بس ماكــ/ــانت بغرفتها المهم كانت تدرس والطاوله ملــيــ/ــانه أإقلام من الكــ/ــشخه وحنا نــ/ــأخذهن أإنا وخـــ/ــواتي ونفـــ/ــحط :666:


بعــ/ــد أإنا وخـــ/ــواتي نسرق من عنـــد جـــدتي دخــ/ـــان ٌ~
وبالحـــ/ـــوش نششــ/ــفط الـــزقاره وقحتنا اللي بــ/ــأخر الــ/ــشارع يــســمعها <:006:

[شموخ السنة]

آآهــــےــےــدآآب

تراني فاقده قلم رصاص وردي عليه رسومات قلوب وفُـلـه أختفى فجأه :dontknow:


ماشفتيه .....؟؟ :22wws:


:d12`:

[سمر]

افكر و افكر و افكر كم قلم جمعتي ؟؟
اكيد اكثر من 17 قلم !!

أرق التحايا لكم / ورد الجوري ...

[واحد من الناس]

هههههههههههه


والله الموضوع هذا يافيه فضايح


خخخخخخخخخخخخ



شموخ السنه .. وأهداااب

كانوا مجرمين بشكل ... :007:





ههههههههههه



أنا والله كنت مثل أهداب .. كنت نصاب مثقف .. سرقة آخر زمن



كنت أروح المكتبة .. وأقعد أدور في القصص





عاد قصص الحكايات المحبوبة كانت تجي زمان لوحدها بخمسة ريال للقصة الوحدة .. وبعدين تطوروا وصاروا يحطو معها شريط كاست "واحد يحكي القصة" ..




المهم يوم تطوروا صار سعرها .. 15 ريال .. وأنا والله فقران يدوب أجمع من المصروف إسبوع ولا إسبوعين لحد ماتطلع معي الـ15 ..





قمت اضطريت إني أروح المكتبة وأشتري قلم أبو ريال ولا أي شي بريال .. وآخذ لفة على القصص .. وألسع وحده وأحطها تحت الفانله ..



وكل يوم على ذا الحال .. لين صارت القصص إلي بالمكتبة كلها عندي بالبيت :sssss:












عااد ماراح أحكيلكم .. يوم كفشوني وش صار فيني ..
:522::522::522::522::522::522:

[شبح الليل.]

اما انا لمن كنت صغير كنت مدلل دلال لأنو اول حفيد

المهم كلعاده اعمامي عند جدتي يجلسو المغربيه المهم انا سبتهم ورحة للغرفة الحريم لوحدي وجلست

اسوي اشكال على وحده من الكنبات ورده وماني عارف ايش (بس كنت اسوي الاشكال بأعواد الكبريت )

وفجأه وفجأه ولعت الكبريت

ورحت عندهم اكلم ابويه ابويه بابي بابي باب باب

كان مطنشني كان اسحبه اقوله بكل برائه ترا فيه نار شبت في غرفة الحريم

قام جري كأنو في المراتون شال القطعه الي فيها نار وعلى برا البيت

طبعاً راحت المشكله كان يجي عليه شفت وجهه وبس ماعد اشوف الا الظلام بعد ساعتين بديت اشوف النور

هههههههههههههههههههه

[زارع الورد]

بالصراحة يا أخت ( رنــــــــا ) والله فكرة رائعة اللي جبتيها

بس كذا .. راح نقلب المواجع .. بعض الجارئم مو هينة ..

مثلاً ..جريمة قتل .. إي والله يا إخوان جريمة قتل ..

تبون تسمعون جريمة قتل تسببت فيها وأنا ما بين

ثلاث سنوات والأربع سنوات .. نفس بريئة راحت .. والله حسافة ..

إلى الحين لما أذكرها يوجعني قلبي .. اشلون أحكيها ؟؟!!!
÷
÷
÷
÷
÷





هذي الجريمة وقعت في القرية التي كنت أعيش فيها قبل

ما ننتقل للحاضرة ..كنت جالس ألعب ولا على بالي....

وفجأة مروا صغار وأمهم تمشي قدامهم .. قمت أنا مسكت

واحد من الصغار .. كان شكله خايف .. ويصيح .. مسكته

إلين شاله حيوان مفترس من يدي .. خطفه خطف مو مصدق

أشلون صار كذا ..

هذي الأم هي ( الدجاجة .. طبعاً تعرفون الدجاجة ..) والصغار

هم كتاكيتها .. والحيوان المفترس هو ( القطوة .. أو القطو )

إي والله يا إخوان .. مسكت هالكتكوت المسكين.. وقاعد أقربه

من القطو ..

على بالي أنه ما يستجرئ يشيله من يدي .. وبسرعة البرق

خطفه والتقمه وطار .. جريت خلفه ..وأنا مقهور .. وصوت

الكتكوت يزوي .. إلين إختفى ..

إلى الحين أذكر ها لموقف وحاز في نفسي ..


الجريمة الثانية .. كنت أمارس الطب الشعبي .. بس ما أحد

يقدر المواهب .. كويت أختي بالنار .. طبعاً اللي اصغر مني ..

بس الجريمة.. ذي .. تكفخت عليها تكفيخ .. عشان كذا أحس

ضميري مرتاح .. وهي الحين تشكرني .. لأنها اتجهت للتمريض

واستفادت .. خخخخخخخخخخخخخخخخخخخخخخخخ

عقب هاتين الجريمتين .. تبت وأطلقت لحيتي .. وصرت

ألقي محاضرات في القرية .. وصلح حالي .هههههههههههههههههه

ودمتم سالمين ..

[شبح الليل.]

والله وطلعت مجرم يازارع الورد كان المفروض يسجنونك 3 اسنين حرام عليك كتكوت تقتله والله انك مجرم
http://t0.gstatic.com/images?q=tbn:fBEgz3koIYUFcM:http://www.dohaup.com/up/2009-02-19/dohaup_266857365.gif

[زارع الورد]

شسوي يا اخوي ( شبح الليل )

شقاوة .. أو ممكن تقول ..خبالة ..

هههههههههههههه...

[احساسي يكفيني]

هههههههههههـ
الله يسعدكم عليكم جراااايم تحفه

والله وطلعتي ياشموخ السنه اكبر مجرمه

وحتى اهداب يؤؤ عليك اقلام نعديها لكن دخاااان لااا << اكررررره شي اسمه زقاره اذا شميت ريحته عورن بطني ///

وانت ياقلبي مملكه منت صاحي شنق مرره وحده لا بعد معلقينها 3 ايام مجررررمين

وزارع الورد بعد تقربها للقطوه حررام جالسه افكر بامه وهي تشوف كتكوتها بفم القطوه

ويامثق ياواحد من الناس بس كان نفسي اعرف شنو عقابك // ^_*


بنتظار جراائم اخرررى ونفسي والله اسمع جريمه لا اعز الناس // ^_^

[زارع الورد]

يعني إنتي ما لك جرائم (جرائم حرب )خخخخخخخخخخ

في صغرك .. يالله طلعي المستخبي

يا( إحساسي يكفيني ) ...بلاش اظهار
البراءة والوداعة الزائدة ..

[احساسي يكفيني]

والله جرايمي قليل
الجريمتين الي اذكرهم الجريمه الاولى تقريبا كنت سنه ثالث ابتدائي
كنت انا وخالي الله يرحمه انا وهو نفس العمر مابيننا الا ليله وحده
فاذا كنت عندهم نكون اغلب الوقت مع بعض كنا نلعب دايم بالبرحه الي قدام بيت جدي
فكان في ولد الجيران يقهر كرررريه دايم اذا شافني العب بالتراب يتغافلني ويكب التراب على وعلى لبسي
وشعري يقهرر فمره قررنا انا وخالي ننتقم منه وش سوينا جبنا سطل الالعاب وعبناه مويه وتراب فصار طين وسايل مره وكان الولد وينه عند روحه يمشي وعلى باله كاشخ هو ووجهه حنا جينا من وراه وتررررررررررخ كبينا التراب الطين عليه وهربنا للبيت هههههههههـ
وكل الي فيه جلسو يضحكون عليه // ^_^

والجريمه الثانيه وانا بثالث برضو او ثاني كنت محب اروح للمدرسه فيوم من الايام كذبت على زوجه ابوي
وقلت لها ان المدرسه قايلين غيبو اليوم لاتجون وخربطت عليها لحد ماصدقت ^_^
ورجعت انام يوم صحيت الظهر اثريها كاشفتني اني اكذب وقايله لابوي اني كذبت عليها ولا رحت للمدرسه
ههههـ عاد مب قايله لكم شكان عقابي // ^_^
هذي الجرايم الي اذكرها بس بالعكس كنت هاااااديه ومسالمه مرره وانا صغيره // ^_^

[شجرة الدر]

ههههههههه يازينكم والله تخوفون بجد مجرمين والله انا شخصيا عندي سجل اجرامي من الطفوله الى المراهقه واكثرها اخوي كان يتكفخ من تحت راسي واذكر لكم وحدة من جرايمي
طبعا الوالد الله يحفظة متزوج ثنتين عاد شوفو شكثر العيال
المهم انا طلعت شيطانه احقق مصالحي والباقي يتكفخون واعليه
كنا دايما نخلي ابوي ينام ونتجمع في غرفه اخواني نلعب بلاي ستيشن وكنت انا دايما اراقب واحذرهم واحيانا اخليهم يروحون فيها خخخخخخخ
ومرة كفشنا الشايب الله يحفظة انا على طول دخلت تحت سرير اخوي وماشافني والباقي تكفخو عاد انا طلعت اضحك عليهم وتجمعوا علي ويضربوني كلهم وانا اصرخ بكل صوتي وبعدين جاء ابوي وفكني منهم وعلى فكرة دايما يناديني شجرة الدر لأنهم يتجمعون ويضربوني بالجزم وانتم بكرامه ولزق فيني اللقب (اذا عجبتكم الحتوته قولوا لي علشان احكي لكم المغامرات الباقيه)