نسيتني

[الجادل اللي حلاها غير]

نسيتنـي علّمنـي شْلـون أبنسـاك
في هالزمن نسيان الأحبـاب عـادي

وشلون لامرّت علـى البـال ذكـراك
وطيفك سرق منـي لذيـذ الرقـادي

وشْلون لا قالوا لي الناس وش جاك ؟
من كنت فـي لـذّة منامـك تنـادي

وشْلون اعيش اللـي بقالـي بليّـاك
لا مـن غدينـا كـل واحـد بـوادي

لو قلت اداوي جرحي اللـي تباطـاك
ماكلّ جـرح يْفيـد فيـه الضمـادي

أعلنـت حبـك ليـن كـلٍّ تمـنـاك
غلطة وغيري من خطاي استفـادي

لو لي مثـل قلبـك تمنيـت فرقـاك
واكيد قبلـك بالجفـا صـرت بـادي

حلـوه عذاريبـك وحلـوه مـزيـاك
حتـى بيـوم فراقنـا كنـت هـادي

كنّ الليالـي ودهـا تكسـب رْضـاك
وأنا يطـول مْـع الليالـي جهـادي

في ذمتي .. ماهي غريبـة خطايـاك
مبطي وقلبك لـو تنبّهـت غـادي !

سهلة على من كان مثلك وشـرواك
مثـل الثيـاب يغيـرّون المـبـادي

علمنـي أكـره ذكرياتـك وطريـاك
وأنسى من الليلة صـدوق الـودادي

ولانيب قايل عقبها ويـن أبلقـاك ؟
راضي لو إن جروح قلبـي جـدادي

وإلاّ القصايـد جعلهـا مـن فدايـاك
لبّستهـا مبطـي ثيـاب الـحـدادي

باكر على المخطي يـدورنّ الافـلاك
ونشوف من يصعب عليه البعـادي !



متعب التركي

[خجل العذارى]

أبيـــات رائعـــة وسطــور جميلـــة ..

بدايـــة وإنتـــقاء موفـــق غاليتي ..

( الجادل اللي حلاهــا غيــر ) ..

بإنتظــار جديدكـ ..

تحيتي / خجل العذارى ..

[اكليل الورد]

كل الشكر لك الجادل اللي حلاهــا غيــر على نقل هذه السطور الرائعه..

دمتِ بتميز..

[**سارونه**]

ابيات رووعه ..سلمت يمينك وصح السان قايلها..
لك كل الشكر
دمتي بود

[الجادل اللي حلاها غير]

يسلمووو عالمرور الراقي

تحياتي لكم

[عمر آلعمر]

إنتقاء جميل ..

مميزة دائما ًبحسن انتقاءاتكـ يالجادل ..

دمتِ سالمة ..

[الجادل اللي حلاها غير]

أعز الناس لاهنت يا اخوي عالمرور

[عاشق ريســــــــــه]

وشلون لامرّت علـى البـال ذكـراك
وطيفك سرق منـي لذيـذ الرقـادي
تسلميـــ آلجادل آللي حلاها غير على هذه آلقصيده آلرائعه