الطعنة اللي من ورى الظهر تنهيك

[أغلى البنات]

بعض البشر لا من حشمته طمع فيك
وبعض البشر لا من جفيته يودك

وبعض البشر يتعب على شان يرضيك
وأغلى من اخوانه بقلبه يعــــدك

ويا صاحبي هالحين بانت خوافيـــك
علقـــتني مابين مزحـــــــك وجدك

وش جاك مني يا عشيري وانا اخيك
قبل امس انا صاحبك واليوم ندك

لا ضاق صدري من عنا وقتنا اجيك
واشوف دمعات الغلا فوق خـــدك

والحين تظلمني وانا منك وفيــك
بكل إحترام اقول يا خوي حــــــدك

ثمن كلامك يا عسى الله يهديك
لاصار ماي الوجه يعجز يـــــــردك

ثوب الردى يا صاحبي ما يقديك
الثوب لا ثوبك ولا القــــــــد قــــدك

انا اول انسان اذا ضقت بجيك
حتى ولا اذكر يوم وقــفت ضــــدك

ما تذكر اني بالوفا كنت اجازيك
وانته تجازيني بظلمك وصــــــــدك

لكن خلاص اليوم والله ما بيك
النفس طابت ســــو ما هــو بــودك

الطعنه اللي من ورى الظهر تنهيك
وشلون لا جاتــك من اللي يــــودك

لا واهني يوم انا اموت بيديك
ذابح وتبكــــــــــي من ذبحته بيــدك

م / ن

[عاشق ريســــــــــه]

كلمات رآئعه وقصيده جميله وكل بيت آحلى وآجمل من آلي بعده
تسلمــ يمين ناقلهـ آغلى آلبنات

[عمر آلعمر]

أبيات جميلة جدا ً..

سلمت يمينكـ يا اغلى البنات على هذا الانتقاء المتميز ..

دمتِ سالمة في حفظ الله ..

[أغلى البنات]

الأجمـل مروركم

والمميز حضوركم

تشرفت بوجودكم

[اكليل الورد]

انتقاء جميل ومميز كعادتك..
لكِ مني اجمل التحايا...

[أغلى البنات]

الأجمـل حضـوركـ

سـررت بمـروركـ

[**سارونه**]

اغلى البنات كلمات رائعه سلمت يمينك على مانقلتي

دمتي بود..

[أغلى البنات]

سارونه شرفني حضورك