المساعد الشخصي الرقمي

مشاهدة النسخة كاملة : من غيرتها شوفوا ايش سوت في الولد‎


الدامعه بصمت
05-19-2010, 07:21 AM
غيرة المرأة


http://www.hawahome.com/vb/nupload/275_1194179737.gifhttp://www.hawahome.com/vb/nupload/275_1194179737.gif

على لسان البنت اللي شافت الموقف





تقول : وأنا أصلي بالحرم الا بذيك الحرمه الكبيره بالسن اللي تصلي وتبكي


تصلي وتبكي وتدعي وتبكي


انا استغربت منها وقلت اكيد لها سالفه وكان كل مابين فتره يجيها ولد شاب يكلمها ويروح ويشوف وش تبي


انا اخذني الفضول بصراحه وجلست بجنبها وسألتها ليش تبكين عسى ماشر


قالتلي مافي شي , أنا أصريت وسألتها مره ثانيه سكتت شوي بعدين قالت والله من العذاب اللي فيني


ليش؟ وش السالفه؟؟!!


قالتلي اقولك قصتي وبعدين احكمي


كنت متزوجه من زوج ونعم الازواج يحبني ويحترمني ويعزني


بس كان فيني عيب اني ما اجيب عيال وانا حاولت بس الله مارزقني فشرت عليه انه يتزوج ثانيه هو مارضى فالبدايه بس انا قعدت احن واحن الين وافق


فدورتله على الزوجه وخطبتها له وتم الزواج بس بعد ما تزوجها شبت نار الغيره بقلبي لانه اخذ يميل لها و فتره بسيطه الا والمره حامل زادت غيرتي



المهم جابت له ولد الزوج استانس وفرح وقعدت انا افكر بنفسي كيف انا اللي شرت عليه




في يوم جاني زوجي وقالي بسافر مع مرتي الثانيه وبنخلي الولد عندك


ووافقت طبعا لانه مافي احد يمسك الولد غيري


سافروا وخلو الولد عندي وكان الوقت شتا وكنت شابة الجمر


والولد عمره تقريبا سنه وكم شهر وهو يلعب ويطامر قدامي


وانا بقلبي نار تشتعل مثل الجمر وشلون ياخذها ويسافر ولا !! ويخلي الولد عندي ومن هالكلام وفجاءه الا الولد يمد يده بيلعب بالجمر ومن ناري وغيرتي مسكت يدينه وحطيتها اكثر بالجمر اليين ذابت يده وهنا شلتها بعدها مايحتاج اقولك اشلون صارت يد الولد


وكذا حسيت ان ناري طفت اشوي نمنا ذيك الليله الا ويجينا خبر وفاة زوجي مع زوجته وهم في طريق العوده بحادث


وظليت بروحي عايشه مالي احد غير ربي ومن ثم الولد اللي تشوفينه وصار اكثر من ولدي واعز ويدور راحتي ويرعاني ومالي ظل غيره


هو اللي يشوف طلباتي وطلبات البيت ومو مقصر معاي بشي


بس انا كل ماشفت يده يتقطع قلبي على اللي سويته فيه وهو يناديني يمه بس الى الان ماقلتله اني انا اللي شوهت يده


ولازلت اعاني من العذاب وتانيب الضمير وادعي ربي يغفرلي ذنبي


سبحان الله وشلون حكمة ربك انه صار خير لي لولا هالولد كان انا حالتي حاله


ويرد يجيها الولد وهو مخبي يده ويحب راسها ويسألها




هـــــــــــــــــــــــــــــــــــــــــا يالغاليه نروح الحين


(وعسى ان تكرهوا شيئا وهو خير لكم)

وجودي له مكانه
05-19-2010, 09:26 AM
قص مؤثرهـ

قسم خنقتني العبرهـ ياربي الغيرة عمت قلبهاا

وعاشت عذابها وعاشت عذاب ضميرها

يالله

ربي يفرج همها

مشكورهـ على القصة المؤثرهـ والله يعطيك العافيه

واحد من الناس
05-19-2010, 09:29 AM
لا حول ولا قوة إلا بالله


الله يتوب عليها ويغفرلها .. ويرحم والدين هالولد



الله يعطيك العافية دمووعة .. على القصة الحزينة والمؤثرة

ولك مني أطيب الامنيات

ام سامح
06-15-2010, 09:16 PM
لا حول ولا قوة الا بالله

شكرا على القصة المؤثرة والمعبرة

يعطيك العافية 0 0 تحياتى

الدامعه بصمت
08-13-2010, 05:23 AM
اشكر الجميع المرور ودمتم على حب

عيون المهاا
08-14-2010, 01:41 AM
قصة محزنه كثيررر

يعطيك الف عافيه اختى دموعه على هالقصه

الدامعه بصمت
08-17-2010, 02:49 AM
الله يعافيك ياعيوني عيون المهاا

شجرة الدر
09-03-2010, 10:16 PM
لا حول ولا قوة إلا بالله والله حرام تأثرت كثير ودموعي نزلت هذا طفل صفحه بيضاء كله براءة مايدري عن شي
والله ان ضحكه طفل عندي تسوي الدنيا ومافيها
المفروض تقوله الحقيقه علشان وتستسمح منه علشان تبرء من ذنبه
شكرا على الطرح

**سارونه**
09-03-2010, 10:42 PM
يرررررررربي...

وش كثر تحزن القصه وربي نزلت دمعتي رحمتها مررره قاعده تحس بتانيب الضمير..

يسلمووو على القصه

تحياتي

المميز
09-08-2010, 06:48 AM
لا حول ولا قوة الا بالله
الله يغفر لها ويسامحها يااااارب
مشكوووره اختي ع القصه والله انها
جدا جدا مؤثره
تحيــــــــــاتي لـــــــــك

ابووومنس
09-09-2010, 12:37 AM
لا حول ولا قوة إلا بالله

نسأل الله أن يحفظ هذا الولد ويرعاه وان يسامح هذه الزوجة ويغفر لها

لكي مني كل الشكر على هذه القصة المؤثرة

زارع الورد
09-12-2010, 02:46 AM
فعلاً موقف غير عادي ..

المؤسف أن هناك أبرياء

احياناً يدفعون الثمن من غير ذنب

يعني طفل صغير شو ذنبه .. وشو

تالية هذه الغيره في النسوان .. ما لها

علاج .. دوى .. أي شي ...


يسلمو على القصة ( الدامعة بصمت )

عيدك مبارك وكل عام وأنتم بخير ...

الدامعه بصمت
09-28-2010, 08:05 PM
اشكر الجميع المرور

انثى تختصر كل النساء
09-29-2010, 09:01 AM
والله انها قصه محزنه فعلا
سبحان الله وعسى ان تكرهوا شيئا وهو خير لكم وعسى ان تحبوا شيئا وهو شر لكم
ابن ادم مايدري وين الخيره
الله يسامح هالحرمه ويصلح شأنها ويحفظ لها هالولد ويحنن قلوبهم على بعض
فعلا قصه تدعو الى التعقل وعدم حصر الفكر بالوقت الحالي فقط
يسلمو الدامعه على القصه
تقبلي مروري

الدامعه بصمت
09-30-2010, 05:39 AM
اسعدني مرورك انثى تختصر النساء

الدامعه بصمت
01-11-2011, 04:11 PM
???????????????????????

أغلى البنات
01-14-2011, 04:14 PM
" رب ضارهـ نآفعهـ "

سبحآن الله ..}

يـعآفيكـ ربي ..

الدامعه بصمت
02-15-2011, 01:59 PM
يعافيك ربي