المساعد الشخصي الرقمي

مشاهدة النسخة كاملة : قصيدة من شاعر لبنت جريئة ..


شموخ السنة
05-17-2009, 10:35 AM
بنت كانت تطالع واحد بعين قويه ما اعجبه الرجال
كتب فيها كم بيت عشان تتأدب لكن المفاجأه هي ؟؟؟؟



اترككم مع القصيدة ... اتمنى تعجبكم!!!


كل شبر بهالوسعيه ملك ربي تعلمين
وأعلم إن اللي خلقني هو خلق لك هالعيون


لكن انتي من جلستي وانتي فيني تحدقين
كن ما به ناس غيري بهالكراسي يجلسون


لو سمحتي عاد أسمعي وحتى لو ما تسمحين
المهم اللي بقوله تسمعينه و يسمعون


ع الأقل ليا نظرتك سوي روحك تستحين
غضي طرفك مثل غيرك خوف ربعي يلمحون


الركادة عاد زينة والحياء في البنت زين
وفيك جآزم لا ركادة ولا حياءٍ يذكرون


تعرفيني ؟! أعرفك ؟! ماأذكر إنا ملتقين
لا أعرفك من تكوني و لا تعرفي من أكون


وإطمأني إن كان قصدك بس فيني تشبهين
ما هو أنا إلي تعرفيه والبشر يتشابهون


ما دريتي من التشابه يخلق الله أربعين
وأعرف أربع يشبهنك بس والله يستحون


وإن كان قصدك شي ثاني عاد قولي وش تبين
خايف إنا نصير فرجة وإللي ماشتروا يتفرجون


وإذا ببالك عاجبتني لا يحوشك تحلمين
صح ربعي من جمالك فيك صار يمدحون


بس وش لي في حلاتك دام فيها ترخصين
حشمة البنت وحياها والكرامة يلفتون


ولو توفر فيك هذا مع حلاتك تبشرين
ما هو أنا ألف غيري باب بيتك يطرقون


وش علامك رغم كل اللي أقوله وتسكتين
مو طبيعي هالسكوت وهالبرود وهالسكون


إنتي خرسا أسألك ولا منتي تسمعين؟؟
قالوا ربعي ذي كفيفة قلت لا لا تمزحون



لين شفتك يوم رحتي يمسكونك باليدين
ما دريت إلا عيوني أربع أربع يذرفون


آه ياني منه مشهد يوم شفتك ترحلين
جيت اشوف عيون ربعي لقيت الكل يدمعون


قلت سنّة هالحياة وحن ترانا مؤمنين
الله اللي مسيّرنّا بين كاف وبين نون


وكل أبونا نختلف مع إننا من أصل طين
سبحان يلي مصورنا ولله في خلقه شؤون


يعني حنا كل أبونا عاد إسمنا بنادمين
وليا قضى ربك أمر وقال له كن فيكون


فينا يلي رازقه خير رب العالمين
وفينا يلي هو لعطفه بحاجة القلب الحنون


وفينا اللي ما شكى من علةٍ كالآخرين
صمٌ و بكمٌ و عميٌ فهم لا يفقهون


بس قليل عاد فينا للنعم هم شاكرين
والله يرزق هالخلايق من حيث هم لا يعلمون


وتدري عاد يالكفيفة حنا تراى متشابهين
وإن ماانعمت أبصارنا قلوبنا هم إللي يعتمون


يالكفيفة يالعفيفة إن قلت آسف تقبلين؟؟
يغفر الله ذنوب عبده ليا خطا وهل تغفرون؟؟؟؟





---------------------------

مـــــــلاذ
05-17-2009, 06:02 PM
قصيدة كلمة رااائعة قليلة في حقها

سبحان الله

كان يظنها قليلة حيا وجريئة .. طلعت كفيفة ..

هذه القصيدة تعلمنا ما نحكم على الناس من الظاهر فقط ..

حــــــــور

تقبلي شكري وتقديري لكِ

على هذا الاختيار الجميل

فوضويه بطباعي
05-17-2009, 08:31 PM
قصيده بقمة الروووعه


واتفق مع اختي ملاذ بكلامها


تقبلي مروري

توتي
05-17-2009, 10:25 PM
مشكورة حور

ذوووق اعجبتني حيييييل

انتظر جديدك

دمتوا بود

عمر آلعمر
05-18-2009, 12:35 PM
أنتقاء مميز يا حــور

وإن كانت القصة واقعية فعسى ربي أن

يشفيها وينعم عليها بنعمة البصر

اكليل الورد
05-19-2009, 10:16 AM
أبيات غاية في الروعة..
شكرا لك حور على انتقائك المميز..

شموخ السنة
05-19-2009, 10:52 AM
تنورت صفحتي بمروركم

دمتم بود