المسا/آفه بدونك .. و آهـ يا طول المسافه ..

[دروبك يالسهر]

أسعد الله أوقاتكم بـ كل خير ..

هنا ..

و هنا فقط .. سأكون ..

ألم ، و شيء من الرتابة ، ترسمني و تشكلني حروف مستعرة ..

هنا أشارككم ما أكتب ، ما أقرأ ..

هنا .. تسعدني (ورودكم) ، و تواجدكم ..

[دروبك يالسهر]

::
::

الشوق ملّ الصبر .. والليل ما لمّ
وحرف الشعر وسط الورق صار شاحب

أحيان ودّك من يشاطرك بـ الهم
و أحيان ما ودّك من الناس صاحب

::
::

[دروبك يالسهر]

::
::

أحس بداخلي زحمة حكي و استأذن الأقلام
على رجوى الحبر باقي نفس يا نشوة إلهامي

من إحساس العتب ما باقي الا حيلة الإبهام
يجسد لك مفاهيم الشقى في خاطر الضامي

صبرت .. و غيبتك طالت .. و معها طالت الأيـام
و انا لا زلت أعشّم خافقي في باقي أيامي

::
::

[دروبك يالسهر]

::
::

أنا بدوي ، مليان رمث و تناهيد ..
وش جاب قلبك لبدوي ، علميني ..

مبطي و أنا أقول العشق ، للصدر قيد ..
مثل الحزن .. لا راود دموع عيني ..

من يوم ما صدري فقد شيخة الغيد ..
تركت حوّا .. و الغزل ، صدقيني ..

غيبي ، و إذا مرت سنة ، و أقبل العيد ..
لا تلبسين أي ثوب ، يذكرك فيني ..

::
::

[دروبك يالسهر]

::
::

هذا حالتي من رحلت ..

لاني اللي قادر أنسى ، و لاني اللي عن طيوفك إنشغلت ..

::
::

[دروبك يالسهر]

::
::

أتظاهر بالتناسي ..
و انشغل عنك بـ ناسي ..

و أتصبّر ..
و يا هي عيوني ، تقاسي ..

::
::

[دروبك يالسهر]

::
::

ألبس غيابك ، ثياب ..
و أنزع حضورك ، غياب ..

و رغم هذا ، و رغم ذاك ..
ما يناسبني التعري ، وما يناسبهن مقاسي ..

::
::

[دروبك يالسهر]

::
::

نسيتك ليلة البارح ، و عشتك ماضي ما كان ..
قعدت الصبح و طيوفك ، تجي و تروح تآخذني ..

معك بالذات ، أنا كأني حرمني ربي النسيان ..
لأني كل ما أنسى ، يجي شي و يذكرني ..

أحاول ، رغم ما يسكن خفوقي من شقاك أحزان ..
أبدّل ماضي أيامك ، و أدوّر ما يفرحني ..

::
::

[دروبك يالسهر]

::
::

هنا طيفك .. هنا همسك ..

هنا باقي على جروحي ، بقايا من أثر لمسك ..

::
::

[دروبك يالسهر]

::
::

هنا أنت ، و هنا كنت ..
هنا .. عشتك .. ظلام و ما عرف شمسك ..

رحلت ..
و هذا أنا عايش .. أحاول أنتزع باكر حبيبي من وحل أمسك ..

::
::

[دروبك يالسهر]

::
::

و لكن ..
أنت و طيوفك .. و أثر باقي من وصوفك ..
و وحشة عيني لشوفك .. و كلك ما رحمتوني ..

سكنتوني ، و نسيتوني ..
و أنا من يومها بأنسى .. و لكن قل لي كيف أنسى ؟

::
::

[دروبك يالسهر]

::
::

يا أخي قل لي وش تبي بي ؟
ماني خلك ..

دامك أنت اللي هجرت ، و عشت حلمك مع نصيبك ..
خلني ألقى نصيبي ..

فكني شرّك ، و عيش .. بعالمك عني بعيد ..

::
::

[دروبك يالسهر]

::
::

خبّر عيونك و طيفك ..
و ذكرياتك و أمنياتك ..
و ضحكة شفاتك و ذاتك ..

لا يجوني في سكوني ..
ولا يمرّون بعيوني ..

و يتركوني .. لأجله ، و لأجلك ..

خلني بحالي ، بأنسى ..

::
::

[دروبك يالسهر]

::
::

عيّا القلم يمشي على بيض الأوراق ..
رافض ، ولا أدري وش اللي معتريني ..

و الله أحبك حب .. لكن البـعــد حـراق ..
و من كثر شوقي لك ، شافوك فيني ..

دمعي على خدي ، و يناديك مشتاق ..
مشتاق لكفوفك ، تعالي إمسحيني ..

قد قالها شاعر ، على وقت الإشراق ..
ينطر وعد خله ، و أنا أنطر ضنيني ..

(لو الغلا ينشاف ما بين الأحداق ..
كان الملا ، شافوك في وسط عيني) ..

و لو للغلا ، حلف ، و شهادات ميثاق ..
إخذي العهد مني ، و ربي يعيني ..

مهما نتباعد ، و بيننا دروب و آفاق ..
بأبقى وسط قلبك ، و تبقين فيني ..

::
::

[دروبك يالسهر]

::
::

سجد قلبي على رمل الضلوع و هزه التنهيد ..
و أنا في جوفي خيام الندم و الخوف منصوبه ..

يارب إفهق هلاكي و المنايا و الدروب بعيد ..
ما دام المودماني للتراب تقوده دروبه ..

يا غياث الضوامي و الثمام و جرهدي البيد ..
إعذني من جهنم و الحشر و الموت و كروبه ..

أنا مانيب لا مشرك ولا فاسق ولا عربيد ..
أنا اللي لا عصى و أخطأ تجهم و أقلقه ثوبه ..

و أنا اللي يرتجف مثل إرتجاف الخايف الرعديد ..
ليا شاف القبور الضيقات .. وحس بذنوبه ..

أنا عبدك .. ولد عبدك .. وجداني هل التوحيد ..
خطاياي أخجلتني .. يالله الغفران و التوبه ..

أنا الانسان حمال النقايض و الكمد و الكيد ..
غريق الطين .. و اللذات من راسه لعرقوبه ..

أنا عبدك يا ربي و أنت تفعل ما تشاء و تريد ..
سألتك .. يالله العفو العظيم و هين دروبه ..

::
::

[دروبك يالسهر]

::
::

يعني ما هزّك غيابي ؟
ما فقدتي أنتي وجودي ؟
و ما شعرتي بشي ناقص ؟

::
::

[دروبك يالسهر]

::
::

ما وحشتك !!؟؟

ما طرالك قلبي بـ لحظة حنين ؟
ما سألتي أنفاس قلبك عني وين ؟
ما ذبحك الشوق ؟ و إحساسك تـ ـبـ ـعـ ـثـ ـر ؟

::
::

[دروبك يالسهر]

::
::

ما يشتتك إبتعادي ؟
ما تغيّر أي شي ؟؟؟

::
::

[دروبك يالسهر]

::
::

زين شوفي ..

ما جفاك النوم بعدي ؟
ما ندم نبضك علي ؟

ما شعرتي بإغتراب ؟
ما تحسين بـ عذاب ؟؟

::
::

[دروبك يالسهر]

::
::

هذا آخر ما وصلنا له ..
بعد ما كان كل الناس ، تحسدنا على الود اللي حنا عايشينه ..

أنت في دنيا بعيده ..
و أنا تايه وسط غابه من مشاعر ..
تلهب القلب و تبيده .. من وريده لوريده ..

و رغم هذا عايشين ..
تحت سقف البيت ، لكن ضايعين بهالمدينه ..

آه .. يا ظلم المدينه .. و يا قساوة قلبك اللي عارفينه ..
كل خلق الله و قلبي .. و أنا قلبي فيك أعمى ..

كيف أشوف ، و أنا يلبسني العنا حيره و خوف ..
كيف أشوف ، و الهوى قيدي و سجّاني الظروف ..

آه .. يا ظلم المدينه ..

::
::

[دروبك يالسهر]

::
::

توني دريت ، إن حبك غلطتي .. توني دريت ..
توني دريت ، بالصمت حارت كلمتي .. و ما حكيت ..

ما قويت أنطق حروف ، صابني عجز الكلام .. و ما حكيت ..
ما قويت أنطق حروف ، صابني عجز الكلام .. و ما شكيت ..

يطيب لك تجريح ، قلبي الوافي ..
لا تحمليني هم ، همي كذا كافي ..

ظميتك و أنتي الماطر ..
بكيتك ماضي و حاضر ..

لقيتك في حياتي خوف ..
سطى بقلبي و علّ الروح ..

و بان بطرفي الساهر ..
و خدعني فيك قصر الشوف ..

لك بجوفي ، المحبة من سنين ..
و منك خوفي ، خوفي إنك تجرحين ..
هذه النهاية ، بعد جرحي وش تبين ..

بأبتعد ، و أتعبتني خطوتي ..
ترتعد ، من شعوري بغلطتي ..
الألم ، و الأسى ، من خفايا رحلتي ..
توني دريت ، إن حبك غلطتي ..

::
::