::
:: و لكن .. أنت و طيوفك .. و أثر باقي من وصوفك .. و وحشة عيني لشوفك .. و كلك ما رحمتوني .. سكنتوني ، و نسيتوني .. و أنا من يومها بأنسى .. و لكن قل لي كيف أنسى ؟ :: :: |
::
:: يا أخي قل لي وش تبي بي ؟ ماني خلك .. دامك أنت اللي هجرت ، و عشت حلمك مع نصيبك .. خلني ألقى نصيبي .. فكني شرّك ، و عيش .. بعالمك عني بعيد .. :: :: |
::
:: خبّر عيونك و طيفك .. و ذكرياتك و أمنياتك .. و ضحكة شفاتك و ذاتك .. لا يجوني في سكوني .. ولا يمرّون بعيوني .. و يتركوني .. لأجله ، و لأجلك .. خلني بحالي ، بأنسى .. :: :: |
::
:: عيّا القلم يمشي على بيض الأوراق .. رافض ، ولا أدري وش اللي معتريني .. و الله أحبك حب .. لكن البـعــد حـراق .. و من كثر شوقي لك ، شافوك فيني .. دمعي على خدي ، و يناديك مشتاق .. مشتاق لكفوفك ، تعالي إمسحيني .. قد قالها شاعر ، على وقت الإشراق .. ينطر وعد خله ، و أنا أنطر ضنيني .. (لو الغلا ينشاف ما بين الأحداق .. كان الملا ، شافوك في وسط عيني) .. و لو للغلا ، حلف ، و شهادات ميثاق .. إخذي العهد مني ، و ربي يعيني .. مهما نتباعد ، و بيننا دروب و آفاق .. بأبقى وسط قلبك ، و تبقين فيني .. :: :: |
::
:: سجد قلبي على رمل الضلوع و هزه التنهيد .. و أنا في جوفي خيام الندم و الخوف منصوبه .. يارب إفهق هلاكي و المنايا و الدروب بعيد .. ما دام المودماني للتراب تقوده دروبه .. يا غياث الضوامي و الثمام و جرهدي البيد .. إعذني من جهنم و الحشر و الموت و كروبه .. أنا مانيب لا مشرك ولا فاسق ولا عربيد .. أنا اللي لا عصى و أخطأ تجهم و أقلقه ثوبه .. و أنا اللي يرتجف مثل إرتجاف الخايف الرعديد .. ليا شاف القبور الضيقات .. وحس بذنوبه .. أنا عبدك .. ولد عبدك .. وجداني هل التوحيد .. خطاياي أخجلتني .. يالله الغفران و التوبه .. أنا الانسان حمال النقايض و الكمد و الكيد .. غريق الطين .. و اللذات من راسه لعرقوبه .. أنا عبدك يا ربي و أنت تفعل ما تشاء و تريد .. سألتك .. يالله العفو العظيم و هين دروبه .. :: :: |
::
:: يعني ما هزّك غيابي ؟ ما فقدتي أنتي وجودي ؟ و ما شعرتي بشي ناقص ؟ :: :: |
::
:: ما وحشتك !!؟؟ ما طرالك قلبي بـ لحظة حنين ؟ ما سألتي أنفاس قلبك عني وين ؟ ما ذبحك الشوق ؟ و إحساسك تـ ـبـ ـعـ ـثـ ـر ؟ :: :: |
::
:: ما يشتتك إبتعادي ؟ ما تغيّر أي شي ؟؟؟ :: :: |
::
:: زين شوفي .. ما جفاك النوم بعدي ؟ ما ندم نبضك علي ؟ ما شعرتي بإغتراب ؟ ما تحسين بـ عذاب ؟؟ :: :: |
::
:: هذا آخر ما وصلنا له .. بعد ما كان كل الناس ، تحسدنا على الود اللي حنا عايشينه .. أنت في دنيا بعيده .. و أنا تايه وسط غابه من مشاعر .. تلهب القلب و تبيده .. من وريده لوريده .. و رغم هذا عايشين .. تحت سقف البيت ، لكن ضايعين بهالمدينه .. آه .. يا ظلم المدينه .. و يا قساوة قلبك اللي عارفينه .. كل خلق الله و قلبي .. و أنا قلبي فيك أعمى .. كيف أشوف ، و أنا يلبسني العنا حيره و خوف .. كيف أشوف ، و الهوى قيدي و سجّاني الظروف .. آه .. يا ظلم المدينه .. :: :: |
الساعة الآن 10:10 PM. |
Powered by vBulletin® Version 3.8.9
Copyright ©2000 - 2024, Jelsoft Enterprises Ltd.