--------------------------------------------------------------------------------

في احد الايام شفت واحد مضلي
واعجبني الونج الي هو الشعار فقررت اصير مضلي
وبحثت عن دوره وبعد طول معاناه استطعت التسجيل
في احدى الدورات بواسطه
المهم طلبوا منا الحضور يوم السبت
من الاسبوع القادم لبداية الدوره وكنت في قمة سعادتي
وسافرت للخارج ورجعت يوم جمعه
والسبت الصباح رحت لهم مدلع نفسي ولابس ومتشيك ومعي شنطه رهيبه اشتريتها من الخارج
واول ماشافوني رقبا اشكالهم توحي لك
ان مافي قلوبهم رحمه وفعلا هذا الي صار
اعطونا تمارين تكسر الضهر ومشينا
مسافه طويله تتعدى عشره كيلوا ورجعنا اخر الليل مهدود حيلي وجابوا لنا عشا وطبعا والله من التعب
مااكلت نمت الساعه عشره وعند الساعه الثالثه فجرا
صحيت على صرخات تطالبنا بلنهوض من
النوم والتوجه الى الميدان وكان وقتها شتاء برد موت
واول ماحضرنا الميدان طلبوا منا ان ننزع
الستره والفانيله وبعد ماطلعناها جا واحد عمري مانسا شكله ااااااااااه
ورش علينا مويه بارده زي الثلج
جلست يومين اسناني تتطقطق
طبعا هذا اول يوم وجلست عل هالحال فتره
وبعدها تحسنت الاوضاع
ووصلنا لمرحلة القفز المضلي
اول ماركبنا الطياره عرفت اني اخطات
يوم اني طلبت اكون مضلي وربي منظر الارض مع الشباك يخوف
وبعد ماوصل السرا عندي طلبوا مني
ان اقفز فتعذرت اني احس بدوخه وفهم المسئول اني خايف
واصر وشالوني الى باب الطياره ثم دفوني
وانا في الجو براطمي تتحاذف يمين ويسار
والهوا يلسع وطلبت من ربي يطول في عمري وتوبه مااركب طياره بس اوصل
وفعلا بعد نزولي في احد المزارع رحت البيت
وفصلت من عندهم واتجهت الى الاعمال الحره ,ولازلت متاثر اصحى من النوم فجاه

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,

في الخارج

--------------------------------------------------------------------------------

في احدى سفرياتي للخارج وجدت امراه كبيره في
السن ماسكه بنتها الي تحس انها دايخه وكان
الوقت متاخر الساعه 3صباحا واخذتني الشهامه
وصرت اصيح بصوت عالي ياامي لاتمشين
اجلسي بجيب لكم تاكسي قالت اسكت لكني انا
ماوستوعبت الكلمه وصحت مره ثانيه ياامي
اجلسوا انا بجيب لكم تاكسي وكانت الحاره هاديه
وصوتي يلعلع وشوي الا فيه باب انفتح وطلع
منه رجال كبير شنب ابوالبنت يصيح عليهم وش
صار الحرمه طالعت فيه انا قالت الله يخرب بيتك
ولايوفقك ياحمار وانصدمت قلت ليه ياامي
ماردت وبعين عرفت السبب اثاري الام كانت \جايبه
بنتها من بار في الحي عندهم والبنت \سكرانه
وكانت جايبتها قبل لايصحى ابوها لكني \انا صحيته
.................................................. .................................................. ........
ومره سافرت مانيلا وقلت لاخواني اذا سال عني \
ابوي قولوا في الخبر عنداخوي الكبير واتفقت
\مع اخويه الكبيروسافرت وبعد ثلاثه ايام اتصلت
\على الوالد وماكنت ادري ان اخوي الي اصغر مني
راح المطار وسال عن اسمي عن طريق \واحد يعرفه وعرف اني سافرت الفلبين وقال
\لابوي المهم انا قبل لااتصل به اتصلت على
اخوي الكبير وطمني انه ماسال وقالي عندهم
امطار قلت هذي فرصه على شان يصدقني
واتصلت عليه واول ماكلمته قال هلا وليدي هاه
كيف الشرقيه انا فرحت بلسؤال قلت الله يابوي
امطار ونعمه وجوروعه قال معقوله الفلبين بعد
عليها مطر انا احولت عيوني ماعاد ادري وش
اقول لكنه سكر في وجهي وماتهنيت بلرحله بس
الحمدلله راضيته اول مارجعت جبت له مطبق
وجلس يضحك وسامحني
,,,,,,,,,,,,,,,,,,,,,,,,,,,,,,,,,,,,,,,,,,,,,,,

ملطوش