|
قصة بس الي مايفهم حجازي لايدخل << روعه
يقلكم يامحافيظ السلامة هادا وااااد يبيع حلاوة طحينيه قدام الدحديره اللي قدام بيتهم المهم صاحبنا هادا كل يوم يتمرقع مع البنات اللي رايحه واللي جيه حقون الحارة المهم مره وهوه يتمجغ مع وحده بنت كانت احلى بنات الحاره (( فتو )) المهم بدأ هوه يتمرقع معاها ويديها كلام من اللي هوه ( ياحلو يالدو يالبنيه ياهريسه ) المهم والبنت ماادتلو وجه . راح اخونا انقهر وركب راسو الف جني وجني وكل يوم يتمرقع ويتمجغ معاها مافي فايده المهم الولد هادا بيااع الطحينيه حب فتووو وتاني يوم وهيه معديه من قدامو الا وقف قدامها ويقلها يافتو عورتي قلبي بحبك وانا جي اقلك انو نيتي سليمه وابغا اتزوج أيش قولتي ؟؟ وقفت فتو وقالتلو هادا اللي ناقص اتزوج واحد حق حلاوة طبعا يحقلها فتووو ابوهاا العم سرااج لي شنه ورنه في الحاره كلهااا وكل واحد يضربلوا حسااب يقوم يجي واحد سفروت زي هادا يبغى يتزوجها . المهم الولد هادا انقهر قام فكر في فكرة بنت كلب وراااح لعم سرااج بس ماطلب يدها راح وقله ابغااا استلف منك فلوس وارجعلك هيه بهد شهرين المهم وياخد الفلوس من هنا وفتحلوو دكان صغير يبيع في لدو وهريسه ومفروكه وكل انواع الحلويات اللي تجيب السكر ويكسب ويفتح كزا مركز . المهم ويرجع لعم سرااج ويردلو فلوسو ويقلو ابغا اتزوج بنتك طبعا الواد هادا ساار من اكبر تجار الحلويات في البلد قام عم سراج وافق وقام راح لفتووو يسألها رايها قالت فتوو تبغا تشوفو وبس ياحبيبي عينك ماتشوف الا النور اول ماشافتو قالتلو ياولد يابكاش بطلك بهلله انتا بياع حلاوة طحينيه سرت تاجر ياهم الزمان قلها اللي سار وقلها الواحد مو بحلاوته الواحد بفتاكتو قامت ضحكت فتووو ضحكه من تحت لتحت ووافقت من كلام الواااد حقنا وعاشووا في تباات وخلفوو ولد حليوة سموه نااار من قوة وصهلله العشق الي بيناتهم والين يومنا دا وحلويات ابو نار مستمرة تجيب السكر للجميع . ملاحظه اذا في كلمة مو مفهومه ماعندي مانع اقلكم معناها :sdss8: |
الدحديرة
يتمجغ ( ياحلو يالدو يالبنيه ياهريسه ) فتو ( ياسلام على فتو وقصص فتو ) بطلك بهلله هههههههههههههههههههههههههههههههه هههههههههههههههههههههههه ههههههههههههههههههه ياسلام على الكلام الحجازى ...والله جميل اخى زارع البسمة موفقط ابو نار فيه كمان شهاب حلوانى ومحمد ومحمود حلوانى كلهم والله حلوياتهم تجيب سكر مركز طبعا انا بالنسبة لى الكلمات كلها معروفة ( مكاوية ) ربى يسعدك على الموضوع الحجازى الروووووووووووووووعة كتر من هادى الموضوعات الحجازية الاصيلة |
الله يكرمك ويسعدك اختي المكاويه ام سااامح
وجودك زاد الموضوع جمالا ,, ربي لايحرمنى اطلالتك الرااائعه وكلامك الاروع لكي مني كل الشكر والتقدير والاحترام تقبلي مروري .. ولاتحرمينى تواجدك الدائم |
-
قصة جميله ورائعه والكلمات المكاويه القديمة والأصيلة التي بدات تخفت وتنقرض مع مرور الايام هي الكلمات التي كانت تعكس طيبة اهل أول , اهل الطيبه والنخوه والمروه.. اهل اول اللي كانوا الجيران فيها بحسبة أهلك وناسك يصونونك في غيبتك وحضورك الله على اهل اول وجمال اهل اول وطيبة ومروة أهل اول وربي يعطينا خير هالاجيال ويكفينا شرورها :: كل الشكر على روعة الطرح اخي زارع البسمه - |
وه ينااااسو على الهرج الحجازي
يجنن .. بالنسبه ليا الكلام كلو تمام (مدينيه ) يب كمان حلويات المداينه :p برديسي وابو فرع وسلوره افندي :sdss8:>>> مسويه فزعه يسلمووووو على الموضوووع مررره ختير:dfd3: |
أنا قريت القصة .. بس ترجمة بليز للكلمات التالية علشان الواحد يستوعب القصة مضبوط .. يتمرقع ــ يتمجغ ــ يالدو ــ ياهريسه ــ سفروت مع الإعراب لو سمحت .. :sdss8: الله يعطيك العافية أخوي/ زارع البسمة على هااادي القصة .. |
وهــ بص ع كلامنا الحجااازي :453: سلمت اخي موضوووع جميل تقبل مروري |
هههههههههههههههههه رهيييبه
بس لايكون من جد حلويات ابو نار حقتهم |
| الساعة الآن 10:58 AM. |
Powered by vBulletin® Version 3.8.9
Copyright ©2000 - 2024, Jelsoft Enterprises Ltd.