منتديات أعز الناس

منتديات أعز الناس (https://www.a3zz.net/index.php)
-   حكايا (https://www.a3zz.net/forumdisplay.php?f=9)
-   -   حكايا خديجه (https://www.a3zz.net/showthread.php?t=14519)

مجبورة 07-19-2018 12:00 AM

حكايا خديجه
 
http://a3zz.net/upload/uploads/image...b6591ae3c6.png

تتردد الكثير من الحكايا أمام ناظرينا
وتتناقل بيننا من جيل إلى جيل
وكثير منها خديج لم يكتمل نموه
وتتولد لدينا الرغبة ونتمنى أن تكتمل ونروى فضولنا
فضولنا المتملك لنا بشدة
نود أن نعرف كيف وماذا حصل !
وكم نود أن نعرف نهاية ذاك البطل وتلك البطلة
وقد نصادف حكاية ونتحمس لها
وقد لا تعجبنا نهايتها ! ونود لو نضع لها بأنفسنا
نهاية أو تفاصيل مختلفة ..

لذلك .!
نحكي لكم هنا
حكايا خديجة
وننتظر نهايات أنتم تصنعونها
أو..............................
تفاصيل ورؤية أنتم تضعونها هاهنا
بأيديكم تصنعون لها النهاية والتفاصيل الختامية

فمرحباً بكم

بعالم مختلف
http://a3zz.net/upload/uploads/image...35f7d24f60.png

عمر آلعمر 07-19-2018 06:23 PM


هكذا اعتدنا عليكِ ..
مبدعة دائماً بطرح الأفكار الجديدة والمفيدة والرائعة ..
فهذه الفكرة فضلاً عن أنها شيقة وممتعة, فهي أيضاً تحرك
الفكر والتحليق بخيالنا, كما تثير فينا التشويق لقراءة
تلك النهايات المتنوعة بأقلام مختلفة حسب
خيالاتهم وما يحلو لهم ..

موضوع يستحق:

مجبورة 07-19-2018 07:16 PM


بسم الله
----------
- الو ابومساعد
زين الي الحين مانزلت ..خلاص خلاص انا جايك
ينفتح باب المكتب المجاور
-هلا هلا اجل موجود مامشيت
- هلا ياطويل العمر
العادة ....تعرف مااقدر اترك المكتب بدون ماادون المستندات
واشيك كلش
-الله يعطيك العافيه ماادري وش كنت اسوي من دونك ياابومساعد والله قدرك كبير ووجودك مخليني مرتاح ان حلالي بين ايدين امينه
- امر بغيت شي طويل العمر
- انا كم مرة قايلك لا تناديني كذا
انت بمقام الوالد
- لا مهما كان المقامات محفوظه
صحيح اني اعتبرك والله مثل ولدي بس حتى
انت راعي الحلال
والخير الي حنا فيه انا وعيالي من الله ثم انت
- بس فكنا من هالاسطوانه
...اقول انت منتب جيعان علي انا بموت من الجوع
- يخسا الجوع وانا ابو مساعد
وش الي خاطرك فيه
- هههههه..ماتقصر
- هاه وش رايك بجريش وشوية تشريب
- الله الله ....ايوا الله عاد لو علي الجريش شوية سمينه
والتشريب محاوط بحمسة بصل ولحمة حاشي ايبا كان تصير شي
- بس ولا طلبت شي
ومن ورا المكتب يسحب كيس عليه بعض النقشات التقليديه
ويدخل يدة ليخرج حافظتين صغيرتين نوعا ما ومعها ملاعق ومفرش بلاستيك وبعض المناديل الورقيه
وبابتسامة رسمت على وجهه المتفاجأ
- اقول هذي ماهيب كيس الا مغارة علي بابا
اقول هو صحيح الي انا اشمه
وبثقة
- اول علمني تبي الجلسه شعبيه والا تبيها على الطاوله
- الا والله مافيه احلا من الارض منها واليها
هات هات عطني ابفرش انا
وعلى سجادة صغيرة
تقابل رجل اربعيني كل مافيه يدل على مكانه كبيرة وهيبه وبأس
وامامه رجل عجوز باواخر الخمسينات تدل ملامحه على الوقار والثقه وتجاعيد وجهه على خبرات سنين حفرتها التجارب
- سم بسم الله وماهوب قدرك بس يقولون الجود من الموجود
- بسم الله ...والله ان الريحه ماهيب طبيعيه اجل جريش وتشريب لو اني طالبه ماحصل بهالسهوله بهالمكان
بس تدري يابومساعد لو اني داري كان تمنيت شي ثاني
-هذي ام مساعد احترتني على العشا ودرت مانيب جاي على وقت الدوا الا لزمت على العيال يجيبون لي أياه... تخبر الدوا لازم اخذه على وقته
- الله يخليها لكم ويخليك لعييلك تاج
ويعطيك الصحه وطولة العمر
وبعد مرور فترة بين احاديث وتناول طعام
- الحمدلله الله يكثر خيركم وتسلم ايدين ام مساعد علي هيك طبخ
- جعله مداخيل العافيه ..انت لو تطاوعني وتاخذ لك بنت حلال والله لتلقا هالطبخ واحلا ليل نهار قدامك
- لا لا خلاص جربنا حظنا من سنين وخلاص طوينا الصفحه
- بس مااظن ياولدي انها انطوت مادامك عفت بعدها العرس يعني مازلت تحاتيها تفكر فيها
- لا اله الا الله ...وش فيك اليوم علي اشوفك بعد هالعزيمه سليت سيفك علي
- هالحكي بقلبي من زمان وسبحان الله كل شي بوقته
- وتظن هذا وقته
- ماادري بس احساسي يقول ايه
وبمحاولة لتغيير الموضوع
- المهم انت خلصت شغلك خليني احطك علي طريقي
- لا لا انا تو باقي لي كم ورقه اسجلها
انت تيسر وخلك مني ابدبر عمري
- افا لا لا ماهوب معقوله تعشيني هالعشوه الكايفه واخليك
ماهوب قبول
الا ابجلس وبنطلب لنا كاستين شاهي من ابوعبدو اتوقع ماطلع لين الحين وبتساعد انا وانت
- لا تعطل عمرك ابد
- لا لا مافيها مشاور وهذا حنا طلبنا الشاهي وهذي جلسه
ويتحرك ابومساعد محاولا ترك كرسي المكتب احتراما لراعي الحلال
- لا تقوم اجلس بمحلك انا مرتاح كذا
انت كمل شغلك واذا ماعليك كلافه عطني من عندك ملف المناقصات ابي اشيك كم شغله
ويستغرقان كلا بعمله
وينسيان كالعادة الوقت
ليرفع رأسه يراقب ابومساعد لازال يكتب ويراجع بعض الاوراق
فيقف حاملا الملف واضعا اياه باحد الادراج
ويلتفت وهو يعدل شماغه
وهو بجانب ابو مساعد
- عطني اشوف وش هالاوراق الي تسجلها
- ابد هذي اوراق التوصيات والمساعدات لازم اسجلها تدري اليوم اول أثنين من الشهر واليوم كان شوي كثير العدد
- لا لا مايضر وانا اموصيك ماترد احد ابد
بس المهم الاسم ماابي احد ياخذ شي باسم واحد ثاني
- اكيد اكيد
حتي بسبب هالسالفه اليوم جا يمنا واحد هقوتي انه حول الثمنطعش شاب محترم جدا فيه كبريا وشموخ غريب بس تصدق مابغا ياخذ الفلوس والتوصيه بس عشان قلت له يعطيني اسم امه
وقف بغا يمشي بس للحظه الشاب الي معه أقنعه
- طيب ليش زعل يعني انه مايبي يقول اسم امه مستحي منه
- لا لا الي فهمته انه يقول ماله داعي ينعرف الاسم هي مساعده لوجه الله وش تبون بالاسم لازم الا هالمذله
اصلا بين انه جاي غصب وجهه يتلون والله انه رحمته
بس صراحه الولد جدا متربي
بس شكل الظروف حدته
- المهم انكم اخذتوا الاسم كامل والمستشفي الي بتسوي امه فيه العمليه
- اكيد كملت كل المعلومات المطلوبه منه وتاكدت منها لاني ماظنتي بيرجع مرة ثانيه ابد
- مايحتاج يرجع خلاص امشوا باجراءتكم انتم
- هو مايحتاج بس العادة الاغلب يرجعون يشيكون ويراجعون عليناويشوفون لستة الانتظار
يعني يتطمنون علي اننا ماهونا عن المساعدة
- لا لا وين انهون انا قايلك لك
لا ترد احد
انا من نويت هالسالفه وانا مخليها لوجه الله لين الله ياخذ امانته هذا حق ربي من الخير الي عطانيه
- الله يكثر خيرك ويجعله بميزان حسناتك
- اقول عطني خلني اساعدك
وين وصلت له
- خلاص ماعاد بقا الا اربع استمارات
عطني اول اسم عندك


مجبورة 07-19-2018 08:50 PM



- خلاص ماعاد بقا الا اربع استمارات
عطني اول اسم عندك
- ايه هذا ياطويل العمر
صالح محمد ال
ورقم السجل المدني
وبهدوء
- شوي شوي نقلني الرقم ترانا علي طريف يالله يالله
وبتسرع الشباب
-اشوف هات هات انا بكتب انت نقلي الرقم
والاسم
وواسم المستشفي ونوع المرض
وظل ابو مساعد يقرا والاخر يكتب
ومن استمارة لاخرى حتي وصلوا لاخر استمارة
-الحمدلله خلاص هذي اخر وحدة
اه هذي ام الولد الي اقول لك
- اه عطني الاسم
- الجوهرة متعب المتعب
ويرمي القلم ليرفع راسه مصدوم وبعينيه لمعه ودهشه وخوف غريب
- عيد عيد الاسم قلت مين
- الجوهرة متعب المتعب
ويسحب الورقه من يد ابو مساعد
- انت متأكد من الاسم
اخاف مغلط فيه
- لا لا مستحيل اغلط
الاسم ماخذة من بطاقة العايله وهذي نسخه منها
العادة ناخذ الاسم ورقم السجل المدني علي اساس نتاكد من الاسم وصاحبه
وامام دهشة ابومساعد واستغرابه
يتلفت حوله كأنه تذكر شيئا ما
ويقف ليخرج من المكتب ويعود حاملا شنطته الخاصه باوراقه ومستنداته ليفتحها باحثا باحد جيوبها الداخليه
ويخرج منها دفتر عائله قديم
وبأحدى اصابعه يأشر علي خانه السجل المدني
وباليد الاخري يتتبع ماكتب باستمارة السيدة
ينقل بصره بينهم
يتعالا صوت انفاسه وحين يتأكد من ان الرقم هو نفسه يرمي جسده على الكرسي ماسكا راسه ضاغطا بكل قوته
- ابو مساعد تصدق هي هي

- من هي ياطويل العمر

ليعطيه الاستمارة وبطاقه العائله ليفهم ابو مساعد المطلوب
نعم هو نفس الاسم ونفس رقم السجل يعني مؤكد هي نفس السيدة
- ليش انت تع......
ليلتزم الصمت عندما اكمل قراءة بطاقة العائله ليشاهدها بخانة الزوجه
وهي زوجه لصاحب البطاقه الذي يحمل اسم فارس راكان الفارس
نعم هو نفسه الجالس امامه
اجل هي زوجته لا لا هي طليقته وهو مايبينه الثقب الماثل امام اسمها بالبطاقه
حينها لم يجد ابوسعود الا الصمت طريقا واحتراما حتي يختار صاحبه التحدث او السكوت
تمر بعض لحظات وحينها بدأ بالكلام
اجل هو اختار التحدث وبكل حبا وتفهم يصغي لصاحبه بكل هدوء ولكل حرفا
- والله دورت عليها ماخليت مكان كل مكان اتوقع انها تروح والا تفكر تروح له الا دورت وسألت عنها فيه حتي قرايبها من بعيد اي شخص قد مر عليها بحياتها وانا اعرفه الا رحت بنفسي وسألته وتحلفته ....الكل احلفوا انهم ماعاد يعرفون شي عنها من سنين
هي هي ابومساعد
سبحانك ربي في الوقت الي استسلمت خلاص وفقدت الامل الاقيها قدامي
تجيني برجليها
اقول ابومساعد
انت متأكد انه هالشاب هو ولدها
وبصوت يكاد يسمع
يعني تزوجت ومن متى هي متزوجه
- لا ياطويل العمر هي ارمله
شوف البطاقه مكتوب
والولد ولدها كلش مكتوب ومسجل بالبطاقه

ويمد له الورقه مؤشر له باصبعه علي خانة الزوج وهي بدون صورة علامه علي وفاته

- والله ماادري وش اقول معقوله بعد هالعمر اسمع عنها تتوقع فيه امل اشوفها

ليتدارك نفسه ويلزم الصمت خافضا لنظره الحائر مفكرا بماسيفعل
وبخلال ثواني وعينين تحمل من الهلع الشي الكثير
- ابومساعد انت تقول هالولد طالب مساعده يبينا نتكفل لامه العمليه
وبجسد يرتعش ونظرات غير مصدقه حامله الكثير من الحب
- يعني هي تعبانه
هي مريضه تتألم
هاه معقوله هي تعيش بهالوجع والحاجه وانا ماادري عنها كيف
وش عذري من عمي هو قالي هي أمانه
ووأنا فرطت بالامانه
ليتدارك ويمد يده
- اشوف عطني التقرير الطبي
ابشوف هي من ايش تشكي
- سم هذا هو التقرير
وكل الاوراق الي اخذتها من ولدها
- ابومساعد تكفا ابي هالولد ابي اي معلومات عنه
- ابشر ياطويل العمر مع انها صعبه بس ولايهمك باذن الرحمن بيجيك الخبر وكل معلومه عنه

ويقف فارس حاملا الاستمارة ومعها بطاقته القديمه يضعهم بالحقيبه ويقف. منتظرا ابومساعد خارجين من المكتب
ليصل لبيته بعد ان انزل مساعدة الامين
امام داره
وامام مكتبه المنزلي يقف وامامه اوراق التقرير مبعثرة
ينظر لها بتردد خوفا من اخبار تحملها طيات ذاك التقرير لحالة من كانت بيوما ًزوجة وحبيبه


نضع أمامكم بداية الحكايه
احداث مبتوره خديجة
نضعها بين أيديكم لتصيغوا لها وتضيفوا وبمخيلاتكم الخصبه
أحداث تحاول إفهامه وإفهامنا خيوط القصه

أمامكم بدايه خيوط الحكاية
نهايتهم بأطراف اناملكم


تحت الظل 07-21-2018 08:03 AM

يعني كل واحد يكتب نهاية من راسه وبعدين
تعطينا النهاية الصجية !
والا واحد يكتب جزء واللي بعده يكملها ؟
وهل نكتبها بنفس الأسلوب والتفاصيل والا نقول

الزبدة وش صار

عذريني مجبورة عامليني معاملة وحدة جاية من
بعثه عشر سنين،
أصلا قريتها مرتين أدور خديجة في السالفة

مجبورة 07-21-2018 08:47 AM

اقتباس:

المشاركة الأصلية كتبت بواسطة تحت الظل (المشاركة 148133)

يعني كل واحد يكتب نهاية من راسه وبعدين
تعطينا النهاية الصجية !
والا واحد يكتب جزء واللي بعده يكملها ؟
وهل نكتبها بنفس الأسلوب والتفاصيل والا نقول

الزبدة وش صار

عذريني مجبورة عامليني معاملة وحدة جاية من
بعثه عشر سنين،
أصلا قريتها مرتين أدور خديجة في السالفة



السلام عليكم ورحمة الله وبركاته
العزيزه تحت الظل
يقولون لا يفتى ومالك بالمدبنه
وانت ماشاءالله اعلم بكثير مني وخاصة بتخصصك

ولكن لنوضح وللتذكير
خَديجة
اسم علم مؤنث عربي، وهي المولودة قبل أوان

وضعها وتحيا..
اذا هي استعارة ( اتوقع )

غاليتي
المجال لك مفتوح بوضع التفاصيل والاحداث وحتى

اضافة شخصيات
لك مطلق الحرية ان تكتبي لهذه القصة نهاية على

حسب مزاجك ورؤيتك وفهمك للاحداث
أطلقي مخيلتك ولاتبالي لك كل الفضاء 😍

نفسي عزيزة 07-21-2018 02:11 PM

أممممم بداية قصة خديجية مشوقة

نخاف نكملها و نخربها

لذا أنا مع القائل

فإن من بـدأ المأساة ينهيهـــا
وإن من فتح الأبواب يغلقهــا
وإن من أشعل النيـران يطفيهــا

ننتظر نهاية القصة بتسلسلها من مجبورة
أو زارع الورد لأنه يعرف حق السيناريو و الحوار

عمر آلعمر 07-21-2018 06:15 PM

اقتباس:

المشاركة الأصلية كتبت بواسطة تحت الظل (المشاركة 148133)

أصلا قريتها مرتين أدور خديجة في السالفة

xx71xx

عمر آلعمر 07-21-2018 06:18 PM



مع انه المجال القصصي مو مجالي ومع ذلك
حاولت أكملها بنهاية مثيرة ..
لكن للأسف xx66xx !

زارع الورد 07-21-2018 10:52 PM

اقتباس:

المشاركة الأصلية كتبت بواسطة مجبورة (المشاركة 148076)
http://a3zz.net/upload/uploads/image...b6591ae3c6.png

تتردد الكثير من الحكايا أمام ناظرينا
وتتناقل بيننا من جيل إلى جيل
وكثير منها خديج لم يكتمل نموه
وتتولد لدينا الرغبة ونتمنى أن تكتمل ونروى فضولنا
فضولنا المتملك لنا بشدة
نود أن نعرف كيف وماذا حصل !
وكم نود أن نعرف نهاية ذاك البطل وتلك البطلة
وقد نصادف حكاية ونتحمس لها
وقد لا تعجبنا نهايتها ! ونود لو نضع لها بأنفسنا
نهاية أو تفاصيل مختلفة ..

لذلك .!
نحكي لكم هنا
حكايا خديجة
وننتظر نهايات أنتم تصنعونها
أو..............................
تفاصيل ورؤية أنتم تضعونها هاهنا
بأيديكم تصنعون لها النهاية والتفاصيل الختامية

فمرحباً بكم

بعالم مختلف
http://a3zz.net/upload/uploads/image...35f7d24f60.png


فكرة أكثر من رائعة
وإنعاش للفكر والإبداع
الخفي في دواخلنا ..


وإن كانت المشاركات
هنا قد تحتاج لوقت
لكن الموضوع يستاهل
الاهتمام والتفاعل ..


لك كل الشكر اخت مجبورة ...
على موضوعك الجميل ...

لي عودة إن شاء الله


الساعة الآن 02:03 PM.

Powered by vBulletin® Version 3.8.9
Copyright ©2000 - 2024, Jelsoft Enterprises Ltd.

Ads Management Version 3.0.1 by Saeed Al-Atwi

HêĽм √ 3.2 OPS BY: ! ωαнαм ! ©, Soft
.