منتديات أعز الناس - (( الموت حظ القلم ))

المــوت حـــظ القلــم والمجــد للدفتــر
حبــر القلــم غلطتي وايــامي اوراقـي
الخوف يجتاحني وجه الطريق أسمــر
راح اكثر العمر ياخوفي على البـــاقي
ياجــــرح رافقـتــني للنــاس لا تظهـر
وان عشت في نظرتي مامت باعماقي
ياصوت لاتلتــحف صمــتي ولا تصبّر
قل ما تبي واترك الهقوه على الهاقي
والخطـوه اللي عن آخر سكتي تقصر
ماهيــب من طبــع رجليني ولاسـاقي
مانيــب من عـاش لايربح ولا يخسـر
ولاهو ضروري تكون أفعالي أخلاقي
ثــراي ما ينشــد الغيمـه متى تمطــر
ما دامـها في سمـاي تحـنّ لاغـراقي
رح وين ما تشتـهي رح قـد ما تقـدر
أنا اول النــاس في قلبـك وانا الباقي
يكفيــني انــك تعذبــني وانـا اتفجّـــر
قصايـــدٍ تنتــظرهــــا كــل عشـــاقي
وانا قصيــدي يجـي مختارني مهجر
وانبت عشانه نخل وسنيني الساقـي

مما راق لي

للشاعر الفذ / نايف صقر