كانت بـزر .. لكــٌن؟! غيـر البـزاريــن
 

.
.

السلام عليكم ورحمه الله وبركاته ،


لا أجيد حبٌك المقدمات كما تستحقونهآ أنتم .. ولكن : هو نص بسيط .. !
يتمنى قبولكم أو بعضٍ منـه


بدأته حكايه لـ سآره / أبنه اخي ، وأكملته قصيده ، وأأحببت ان تكون بدايتي المتواضعه في
مسآحاتكم النيره ،

.
.



بقول لك قصه ولكن لاتبكين ..!
... ... ... ... أأنتي تحبين الحكايه / حزينـه ،

كانت هنا طفله تحب البساتين ،
... ... ... ... كانت تساوي قلب ابوهآ وعينـه

كانت تحب الطير وتداعب التين
... ... ... ... والحي في نظراتها عن مدينــه

كانت تحسد البنت لاجات عشرين
... ... ... ... تحسب عمر عشرين تٌزهر سنينـه

كانت بزر لكـٌن غير البزاريـن !
... ... ... ... الشـي لامن صـآر ماتستهيــنه !

حتى القمـر لاغـاب مابـان ليلـين
... ... ... ... تقـول ياااربي أأنا آشتقت / وينه؟

تبيـن أكمل ؟ زين لا لا تحنيـــن
... ... ... ... ياطفلتـي لازم تكـونــي رزينــه

هذي البـزر كـانت تميـز بشييــن !
... ... ... ... بقـولها لك بس خلك فطينـــه !!

البـزر هذي من عـداد المحبيـــن
... ... ... ... بالضبط كانت في الشتـآ ياسمينـه

من عـآدها صغيره الى ألفين وإثنيـن
... ... ... ... وهي تحبــه فـي هـدوء وسكينــه

والشـي الآخر في إيـديهـا تلاقيــن !
... ... ... ... كتـآب شعـراً فـي حروفه أأنيــنه

تكبـر ويكبـر حبهآ جعـله الزيـن !
... ... ... ... واللي تحبــه بيـن نـور وأمينــه

طموحـها يوم كبـرت ترضـي إثنيـن
... ... ... ... وتشـوف مكـه ثـم تـزور المدينـه

ياهي بسيطه حيل والكارثـه / وين؟
... ... ... ... يومٍ خذت بأأيدين ماهي بـ/ زينه !

ياسآرتي ياطفلتي نمتي؟ انزيـن ،
... ... ... ... أحسن من إنك تدركيـن الغبينـه ،

نـوم العوآآفـي يابعد كل الأأدنيــن
... ... ... ... والوعـد بكـره في حكـايه حـزينــه



لقــلوبكـــم http://msa6el.mbc.net/vb/images/smilies/fl.gif


كنت أظن ..! (سطور)

صح لسانك عزيزتى

احساس راقى وجميل

واصلى ........ننتظر جديدك وابداعك

الله ما اجملك وما اجمل محاورتك

.
.

أم سآمح ،

أشرقت المسآحات بـ نور إطلالتكِ ، وغرد القلب
مستبشراً بها

صح بدنك ،

وصدقيني ليس لإحساسي الا قطره في بحر عذوبه
ماتملكين يامرهفه الحس



دمتي بود

.
.

كلي جنون ..!

صدقيني ليست الا هلوسه لاتنتمي للشعر بشي ،

يمتلئ المكآن بـ ( رائحة الفانيلا ) المرفقه بـ طهرك / ياأطهر من الفجر

ليملئ المسآحات بالطمأنينه والرائحه العبقه


شكراً لحضوركِ .. سيده الذوق الراقِ


كل الود . .

.
.


الكريم : أأعز ،

شكراً لـ كرم مشآعرك . . يحـقُ لسآره ان تصافح الغيم فرحاً
وترقص على نغمآت المطر / آحتفاءٍ بذوقك

شكراً لـ دعائك . . ابيض القلب ، ولك مثله . . أدعو الله ان
يستجيب ويحفظك تحت ظله يوم لاظل الا ظله



مدن من الآمتنان ..

كنت أظن ..!

.
.

وعليكم السلام ورحمه الله وبركاته



القدير : عـــــ الشــوق ــازف

أولاً : عذراً على تأخري . . مررت بظرف طارئ لم يمكنني من المجيء ،

ثانياً : هل لك ان تتحكم بنبض المسآحات قليلاً ..

فما زالت تصدح فرحاً .. ونشوهٍ بـ قدومك ولـ قدومك أخي الواافٍ . .


،


لمجرد التنبيه : لست بشاعره ..هآويه حرف .. آحب الخربشآت .. فنقآء المسآحات المكسيه باللون الابيض يغريني بـ الكتآبه !

ولـ ممآرسه الفضائل بنآء على الاعتراف بالحق فضيله : مازلت اقف مذهوله في سطور ردي لوجود تلك الشآمخه اعلاه ،


جزله ..

وافيه ..

دافئه ..

مرهفه ,,



،


إليك :


ابك البقا نسل القروم العزيزين
... ... ... ... ذوك الرجال اللي تفك الغبينه !

اللي تصف بحزه الصف صفين ..
... ... ... ... أهل الوفا أهل الشرف والثمينه

اللي تفك الضيم وتفرج الديـن ..
... ... ... ... وتعين من ماعيٌن احدٍ يعينـــه ،

قلوبهم مابين يتم ومساكيـن !
... ... ... ... وأرامل وطلاب علم ورهينــه

دايم وهم كسآبه الصيت وافين
... ... ... ... تاريخهم حافل : علومٍ حسينه

من بعدها جينا لرده محيين . .
... ... ... ... والشعر في خطه تبيٌض جبينه

سلام مني عبقه امن الرياحيـن
... ... ... ... مصفوط للي تعزف الشوق عينه

اجمل من شعور الطيور بجناحين
... ... ... ... وارق من بسمه طفل والدينه ،

يشبه غزل شايب بعمر الثمانين !
... ... ... ... في صورهٍ منها تهٌيض حنينـه

وياقربها من واحد أصله إثنين ..
... ... ... ... بعيون من فيها / تجلت سنينه

بوصل لساره رسالتك : بعدين !
... ... ... ... وامن المؤكد تصبح إلك الـ/ مدينه

وانا بعد مدينه لرقتك لين ..!
... ... ... ... والله مدري ليين وش كان لينه !

وشكراً لدعوه قلبك الطيب آآآمين
... ... ... ... يالله عسى الله يسعدك كل حينه ،

ويثبتك ربي على الطيب والدين
.... ... ... ... ويفكك من اللي بقلبه ضغينه

ومن بعد ماصغنا جميع المضامين
... ... ... ... نختم وحنا للعفو سايلينــه ،

وصلى الله وسلم عدد مارمشت عين
... ... ... ... وعداد عدٍ ماحصل محصيينه





اعتذر لقصوري الاكيد اني ماوصل حروفك ..

نورتني ياخوي

وصح لسانك مدد لاعدد ،