|
توّك صغيره وابتديتي تحبين..!!
توّك صغيره وابتديتي تحبين من علّمك ليل السهر ياصغيره ؟ بدري عليك العشق يابنت هاللحين حرام هذا القلب وشهو مصيره ؟ انتي بريئه في الهوا ليه تشقين ؟ دروبه طوال ٍ عليك وعسيره رحتي بدرب ٍ ماله اصلا ً عناوين وانتي مشاويرك من اول قصيره ياطفلة ٍ حبّت وراحت على وين ؟ عقب الهنا ذقتي الحياه المريره وينك ووين الحب والشوق والبين ؟ عنّيتي عيونك وصرتي سهيره امحق تسلّي كان ودّك تسلّين الورد لولا اللّون وشهو عبيره ؟ خلّيتي دروسك وصرتي تحاتين الدرس في ديره وصرتي بديره وصرتي بعد من غير هذا تغارين والمشكله يابنت منتي خبيره نصيحتي لك كان ودّك تردين يم السعاده والحياه المثيره خلّك بجو العايله لا تعدّين ماما وبابا والعجوز الظريره شيبانك اللّي مايبونك تعانين من بينهم عشتي كأنـّـك أميره الحب قبلك هز ناس ٍ كثيرين وخلاّ القلوب تعيش هم ٍ وحيره الحب يفضح لا انكشف داخل العين وانتي بنفــّسك ماهقيتك بصيره طيعي كلامي واحذري لا تمادين تراجعي لاعل في الأمر خيره عيشي الطفوله والبراءه لك سنين وبعدين حبّي لا غديتي كبيره |
الله روعـــــــــــــــــــــــــــــــــــــــــه هالابيات
مبدع اخوي قلبي مملكــــــــــــــــــه دائما دمـــــــــــــــــــت بود |
طيعي كلامي واحذري لا تمادين
تراجعي لاعل في الأمر خيره عيشي الطفوله والبراءه لك سنين وبعدين حبّي لا غديتي كبيره ابيات جدا جدا رااائعه سلمت يداك اخوووووي قلبي ممكلة لاتحرميني ابداعاتك |
حياك الله ريمية.
والاروع تواجدك وردك المتميز. ومشكوره على التواصل الدائم يالغالية. |
الله يسلمك اخوي زارع البسمه.
والاروع تواجدك وردك المتميز. وتسلم على التواصل الدائم. |
| الساعة الآن 11:04 AM. |
Powered by vBulletin® Version 3.8.9
Copyright ©2000 - 2024, Jelsoft Enterprises Ltd.