منتديات أعز الناس - مطبخنا الرمضاني 2

( المجموعة الثانيه )
.
.
http://a3zz.net/upload/uploads/image...4b16ded6e2.gif
( شوربة الشوفان )
"المقادير":
لحم مقطع صغار مع الاحتفاظ بالعظم*
بصله مفرومه*
ثوم مفروم*
زنجبيل مفروم ( أختياري )
2طماطم كبيره مفرومه بالخلاط*
صلصة طماطم( أختياري )
ملح وفلفل اسود*
بهارات مشكله وقليل من الكمون*
ليمون اسود*
كيس بهارات الشوربه*
شوفان كويكر*

"الطريقة":
نضع زيت في القدر ونضيف عليه البصل المفروم*
نحركه الى ان يذبل اضيف اللحم والعظم ضروي يعطي لذه
للشوربه واحركها الى ان ينشف ماءه*
بعدها اضيف الثوم والزنجبيل احركها
اضيف الطماطم المفروم*
والصلصه واخليها تتسبك لمده 10 دقايق مع التحريك ..
أضيف البهارات والليمون الاسود وكيس بهارات الشوربه*
واضيف عليها الماء المغلي واخليها تغلي اول ماتغلي اضيف
الشوفان المذوب في الماء*
انا بعض الاحيان ارشه رش على وجه المرق بس بعض البنات
يتكتل معهم فطريقة التذويب اسهل لهم*
انا احب اضيف الشوفان بدري علشان تذوب وتختفي حبان
الشوفان في ناس ماعندها*
مشكله فيه تضيفه اخر ربع ساعه من الطبخ*
اخليها تطبخ على نار هادئه مع رفع الغطاء قليل الى تستوي اللحم*
واقدمها يمكن تزينها بالورقيات هذا شي راجع للذوق الشخصي
http://a3zz.net/upload/uploads/image...6c12b5d64d.gif

http://a3zz.net/upload/uploads/image...ca3d2e4a26.gif
( الماك آند تشيز )
الماك آند تشيز طبق أمريكي شعبي ماله أي علاقة بإيطاليا ..
هو عبارة عن صينية مكرونه أكثر من كونه طبق باستا ..
الأكله تتكون من مكرونه مسلوقه مخلوطه مع صوص يسمونه مورنيه
( صوص الجبن ) اللي هو واحد من تفرعات الباشاميل ..
هذي المكرونه لها مليون تفرع وتفرع وكل يوم يطلع أكثر وأكثر ..
اللي دخل عليها مكونات غاليه مثل الفقع و اللوبستر و اللي
سواها بلمسات صينية وهنديه و يابانيه

"المقادير" :
ربع كيلو تقريبا مكرونه “ماكاروني” أو اللي يسمونها أكواع
elbow macaroni ..
3 ملاعق كبيرة زبدة ..
تقريبا 3 ملاعق كبيرة طحين ..
ملعقة كبيرة خردل بودرة .. ( لا تبدلون بخردل عادي ) ..
3 أكواب حليب كامل الدسم ..
1/2 كوب بصل مقطع صغار ..
ورقة غار ..
رشة جوزة طيب ( إختياري ) ..
فص ثوم كامل ..
1/2 ملعقة صغيرة بابريكا ..
بيضة ..
350 جرام تقريبا جبن تشيدر حاد
sharp أو mature مبشور ..
ملح وفلفل أسود ..

"التغطية":
3 ملاعق كبيره زبده ..
كوب بقسماط ويفضل لو كان بقسماط ياباني panko ..
* شكل المكرونه مهم هنا. اللي ما يعرف شكل المكرونه اللي
أقصد يكون شكلها زي الصورة اللي تحت. في حال ما توفرت
أستخدموا أي شكل أسطواني ثاني زي البينني مثلا penne..
* بودرة الخردل هي عبارة عن بذور خردل مطحونه لا أكثر
متوفرة في أغلب السوبرماركتات ولو ما لقيتوها أكيد بتلاقون بذور
خردل mustard seeds أطحنوها بطاحونة بهارات ..
* نوعية الجبن جدا مهمة هنا. تقدرون تستخدمون كذا نوع
جبن : تشيدر ، جرويير ، إمنتال ، جودا ، ماسكاربوني ،
فيلادلفيا ، بارمزان ، رومانو ، جرانا بادانو، بلو تشيز ، جوت
تشيز أو جبنة ماعز أو أي خليط منهم. أهم شي إنكم
تستخدمون جبن من نوعية جيدة وإن الصوص في النهاية يكون
له نكهة جبن. أشياء زي الموزاريلا مالها نكهة قويه ولا راح
تضيف أي شي للصوص. أنا حددت تشيدر حاد أو معتق
mature هنا وبيضبط دايما بس لو تبون تستخدمون نوع
جبن ثاني الخيار لكم. إقتراحات ثانيه رهيبة : 3/4 الكمية
جروير و الربع الباقي بارمزان، نص ماسكاربوني أو فيلادلفيا
وربع إمنتال وربع بارمزان، نص جودا ونص تشيدر
والخيارات الثانيه كثيرة ..

"الطريقة":
سخنوا الفرن على 350 ..
أسلقوا الباستا في قدر كبير فيه مويه مملحة كثيره على حرارة
عالية بدون أي زيت ! (شوفوا هذا الموضوع إذا تبون تعرفون
أكثر عن الباستا). إذا وصلت الباستا مرحلة “ألدنتي” يعني
تكون مستويه يعني مافيها طعم نشا بس لسا شوي قاسيه
نشفوها وأغسلوها بمويه بارده عشان نوقف الطبخ
وما تصير مطبوخه أكثر من اللازم ..
.
و الباستا قاعده تطبخ نسوي الصوص. في قدر نذوب الزبده على
حرارة وسط، بعد ما تذوب نحط الطحين و الخردل ونحرك إلين
يكون لنا معجون ناعم بعدين ننزل الحرارة شوي.
نطبخ المعجون هذا حوالي 5 دقايق إلين يقلب لونه أشقر شوي.
الحين نرفع الحراره شوي بعدين نبدأ نضيف الحليب. نحط دفعه
حليب ونحرك إلين تبدأ تغلي بعدين نحط الدفعه اللي بعدها وكذا
إلين يخلص كل الحليب. نضيف البصل و الثوم وورق الغار
والبابريكا و جوزة الطيب ونطبخهم على غلية جدا خفيفه 10
دقايق تقريبا. بعد العشر دقايق نشيل فص الثوم
وورقة الغار ونطفي النار ..
.
الحين نخلط حوالي ملعقتين كبار من الباشاميل على صحن صغير
فيه البيضه ونحركهم مع بعض زين. بعدين نصب اللي في الصحن
الصغير عالصوص ونحرك. هذي العملية مهمه كوننا لو حطينا
البيضه عالصوص علطول بتتكتل بس كذا لأ ..
نضيف الحين 3/4 الجبن على الصوص على دفعات ونحرك إلين
يذوب بعد ما يذوب الجبن نذوق الصوص ونزيد الملح و الفلفل
حسب الرغبة. حاولوا يكون الصوص يميل للملوحة لأنه
بينخلط مع الباستا..
.
نخلط الباستا مع الصوص بعدين نصبهم في صحن فرن. أو عدة
صحون صغيرة لو تبون. بعدين نغطيها بباقي الجبن ..
.
الحين نذوب الزبدة حقت التغطيه بعدين نخلطها مع البقسماط ..
نحط طبقة من التغطيه فوق الجبن وندخلها الفرن ..
.
نخليها في الفرن إلين يذوب الجبن و تبدأ التغطيه تقلب ذهبي ..
حوالي نص ساعة ..
* نطلعها ونخليها تبرد 5 دقايق بعدين ناكلها علطول وهي حاره ..
http://a3zz.net/upload/uploads/image...6c12b5d64d.gif

http://a3zz.net/upload/uploads/image...b8ee38e3d0.gif
( ستيك الكريفورد )
نحتاج إلى:
شرايح من الستيك ..
بصل شرايح ..
ثوم مفروم ..
فطر شرايح ..
كوب كريمة خفق الخاصه بالطبخ ..
نص كاس ماء حار مذوب فيه ماجي ..
بقدونس مفروم ..
جبنه زرقاء ..
ملح وفلفل اسود ..

"الطريقة":
نضع زيت في مقلاه ونضع عليها الستيك حتى تنضج وتتحمر ..
نرشها من الجهتين بالملح والفلفل الاسود, بعدها نرفع الستيك
جانباً في نفس المقلاه احمر شرايح البصل, وبعدها الثوم وشرايح
الفطر واحركها جيداً ..
بعدها اهدي النار واضيف كريمة الخفق والمرق والجبنه واحركها
حتى تذوب الجبنه من دون ان يغلي الخليط ..
بعدها ارجع الستيك واخليها بحدود ال10 دقايق
وارشها بالبقدونس ..
واقدمها ...
http://a3zz.net/upload/uploads/image...6c12b5d64d.gif

http://a3zz.net/upload/uploads/image...5660af820c.gif
( تيكساس فرايز .. Texas Fries )
"الطريقة":
تسوين بطاطس مقلي عادي .. صراحة صعب في البيت أسهل
شي أشتري من الأكياس الجاهزة و أقليها عادي ..
بعدين … الطبقة اللي فوق حمري لحم مفروم في مقله إلين يتلون
شوي بعدين حطي عليه شوي مويه + خلطة بهارات التاكو
( تنباع في السوبرماركت في ظروف جاهزة ) ..
خليها تطبخ إلين تختفي المويه تقريبا بعدين حطيها فوق البطاطس
مع جبن تشدر و هلبينو وحطيها في الفرن شوي بس ..
http://a3zz.net/upload/uploads/image...6c12b5d64d.gif

http://a3zz.net/upload/uploads/image...b4b637f1bb.gif
( كرات التشيز بصوص الفروالة )
اصبع زبده بحرارة الغرفه ..
علبة جبنه فلادلفيا مقاس 200 ..
نص كوب سكر بودره ..
فانيلا ..
بسكويت داجستف مطحون ..
فروالة ..
صوص فرواله من هيرشي ..

"الطريقة":
نضع الزبده في طاسه نحركها بمضرب الخفق إلى أن تصبح هشه ..
اضيف عليها السكر والفانيلا, وبعد الجبنة بالتدريج ..
ونحركها إلى أن يتجانس الخليط ..
ندخلها الثلاجه لمدة ساعة ..
بعدها نكور كور متوسطة وندحرجها في مسحوق الدايجستف
وندخلها مره اخرى في الثلاجه لمدة ساعة ..
نزينها بالفروالة ..
ونقدمها مع صوص الفروالة ...
http://a3zz.net/upload/uploads/image...6c12b5d64d.gif