من يعرف اختصار jwm ..؟!
ترى مو كل متخرج من الخارج يعرف JWM .......... كنا من زمان شلة وحدة .. وحبايب في حارة وحدة .. المهم............ تخرجنا من الثانوية العامة. كلهم كملو دراستهم بأمريكا وتخرجوا ورجعوا وتوظفوا في أكبر الشركات بالسعودية. إلا انا مسيكين جالس بينهم متخرج من جامعة سعودية وموظف حكومي بالواسطة. دائما في جمعتنا الأسبوعية يسولفون ويضحكون وأنا مدري وش السالفه. واذا سألتهم يردون علي بتعجب: 'معقولة ما تعرف؟' إلى إن أصبحت أستحي أسألهم. وصرت أسوي نـفسي فاهم وأنا معهم اذا ضحكوا ضحكت معهم واذا استغربوا استغرب معهم مرة كنت قاعد معهم واسمع سوالفهم يقول واحد منهم: مدير الـ HR عندنا مغرور وشايف نـفسه والمشكلة ان إدارته لا تهش ولا تنش يرد ثاني : ووين الـ MD؟ ما يتدخل بينكم؟ الآول : مشغول باجتماعات ما تنتهي مع الـ CEO. وحنّا متورطين مع جماعة الـ IT، ما نـقدر نتكلم معهم أبد. الثالث يشارك : أوه.. هذولا أشغل ناس .. دايمً الـ KPI حقهم ضارب في العالي. الرابع : يا جماعة حنّا في 'الويك إند'.. تكلموا في شي ثاني.. أتنهد وأقول في نفسي: الحمد لله جاء دوري في الكلام وتوني ابا أبدا أدخل بسواليف حلوه إلا يسأل واحد منهم: وش أخبار الـ DFM؟ الثاني : تعبان، عشان ال IPO الأخير جاء على غير المتوقع، وما ربحنا فيه ريال الأول : قلت لك أن هذا زمن العقارات. أقول في نفسي: العقارات؟ الحمد لله أعرفها ذي ....وتوني بقول الحديد رخص والعقار بينهار .. يقول واحد: فيه فلل للإيجار في الـ JBR يا شباب؟ الثاني : طارت الطيور بأرزاقها. قلت في نفسي ...زين اللي ما قال TTB، طارت....الطيور ...بأرزاقها يقول أحدهم: اتركوا العقارات وخلونا نتكلّم عن الزحمه في الشوارع. - أمس أعوذ بالله كنت بدبي، مستحيل الواحد يمشي بـ Rush hour وبدت الزحمة قدّام الـ DIC إلى بوابة سالك. - وأنا كنت في طريقي للـ DMC وبقيت ساعتين في زحمة شارع الشيخ زايد. يخلص الكلام عن الزحمه، ويناظرني واحد منهم ويقول: ابو سعد ...إلاوش سويت....ليش ما تاخذ الماستر' في الـ MBA؟ أقول في نفسي: أكيد أنه يقصد 'الماستر كي' ....بس غريبة.....وش دخل ... المفاتيح بالموضوع بس تداركت ان الموضوع مش مفاتيح واني ضايع في هالمعمعة......وما عرفت أرد وقلت : ما اقدر . رد ثالث : ما تـقدر ؟؟؟؟ ليش- كم كان الـ GPA حقك؟ يا ربي وش يقصد ............قلت المشاركة ولا فقه الخشة أرد عليهم : ما اذكر، بس انه 'أوتوماتيكي'. يضحك الجميع ويعتـقدون أني أمزح. ويوم جا وقت العشا يقولون: - مطعم هندي.. لا إيراني.. لا شامي.. قال واحد يا جماعة اشتقنا إلى الـ KFC. كلهم وافقوا وقعدوا يناظروني ينتظرون رايي، قلت: أنا باروح للبيت وأنتم روحوا للـ JWM . قالوا:وشو هذا JWM !! قلت : ' معقولة ما تعرفون JWM ..؟ ورحت ولا علمتهم شرح الاختصارات : HR: الموارد البشرية.. MD: المدير التنفيذي.. CEO: الرئيس التنفيذي.. IT: تـقنية المعلومات.. KPI: مقياس مؤشر الأداء.. DFM: سوق دبي المالي.. IPO: الاكتتاب.. JBR: جميرا بيتش ريزدنس.. DIC: مدينة دبي للإنترنت.. DMC: مدينة دبي للإعلام.. GPA: المعدل التراكمي.. MBA: الماجستير في إدارة الأعمال .. KFC: كنتاكي .. أما .. JWM: جهنم وبئس الـمصير ! .. تحياتــــــي .. :) |
هههههههههههههههههههههههههههههههه وش هالإختصارات يبيلي شهر عشان احفظها بس إختصار jwmحفظته ودايم ابقوله للناس الي أزعل عليهم :765: ومشكور أعز الناس وتقبل مروري ودمت بعز.... |
جهنم وبئس الـمصير
نعوذ بالله منها مشكور على طرح الموضوع |
ياساتر وش هالاختصارات ههههههه dfa>>>> دمت بحفظ الله ^_^ |
ههههههههههههههههههههههههههههههـــــ
رهيـــــــــــــــــــــــــــــــــــــــــــــــ ـــــــــــــــــــبة.... يسلموووووووو أعــ الناس ــز |
فــــارس .. دوم هالضحكة إن شاءالله .. وحلو انك حفظت أهم رمز .. :) |
حـــور .. الله يحفظنا وإياك ويحرم أجسادنا على جهنم .. دمتي بحفظ الرحمن .. |
فزوولها .. هههههههههههههههههههههههههـ جديد هالرمز dfa .. يسلموو على المرور .. |
اكليل الورد .. الأرهب وجود بصمتكـ على صفحاتي .. والله يديم عليك الضحك والسعادة .. |
الساعة الآن 06:37 AM. |
Powered by vBulletin® Version 3.8.9
Copyright ©2000 - 2024, Jelsoft Enterprises Ltd.