ماهو شعور يخالج الروح برفوق
وماهو سحرولا أدري والله شاقول للك

كنه سحابة حلم وطير بك فوق
وطير ولا ودك إنها تنزلك

الشوق هذا ولا أنا شوقي البوق
ما قد حصل في شوق هذي ولا تلك

تدري وإيش اسوي إذا اضناني الشوق ؟
أسوي بعيوني كذا وأتخيلك

‏كن هذا البـاب مشتاق وحزين
فاقدٍ نبضـه .. وحالـه مــايسر
-
ينتظـر لحظـة رجــوع الغايبين
وينجبر خاطره من بعد الكسر

رزنامتي..

أطوي بها أوراق العمر

لكن.. أبد ما أقطع من أوراقها

حتى الحزن..

يمكن يجينا يوم نحتاج الرجوع

لحزنها..

ولفرحها..

وأوقاتها..

وطيب الذكر..

ياصاحبي صاحبك الله يعينه
محداً عرف وشلون حاله بلياك
عزيز نفس ولارضى بالغبينه
البعد يغبن والغبن كيف ينساك

اكتب واسلّي خاطري ب(الكتابه)
كود التهي في نظم الابيات وانساه

واثر القصايد منه قامت تشابه
من وين اقلّب دفتر اوجاعي القاه

هذي قصيده قلتها في عتابه
وهذي قصيده قلتها يوم فرقاه