على الله يازمن بشكي ..
 

][ بسم الله الرحمن الرحيم ][


][ السلام عليكم ورحمة الله وبركاته ][



http://a3zz.net/upload/uploads/image...7a3ad74b34.jpg



][ على الله يا زمن بشكي ][

للشاعر : عبدالله بن عميره



على الله يازمن بشكي جروحي والليالي طـوال
عسى راعي العنا ينسى عناه وينشرح صـدره


على الله يازمن بشكي همومي والهمـوم جبـال
تعدّت عاصمة حزنـي حـدود العالـم بأسـره


خسارة يالسنين اللي كتبتـي سيـرة الرحـال
فرحت امس وحزنت اليوم بس الخوف من بكره


لساني كم شكى صمته والى منه حكـى ماقـال
طغى طبع السكوت بسيرة المحروم من صغره


كبرت وكبرت احلامي وصارت قصة الترحال
اماني في مهب الريح وحلـمٍ مااكتمـل بـدره


بعين اللي مع ايامه جلس يبكي على الاطـلال
تذكّـر ماضـي ايامـه اليـن خنقتـه العبـره


انا منهو حمل همّه على راسـه تقـول عقـال
مجاديف الزمن دارت عليـه ونسّـف الغتـره


وانا منهو فقد صوته وبعض الصوت به مـازال
دعيـت الله يفرّجهـا علـيّ وبحّـت النبـره


أشيل الحمل عن غيري وحملي صار ماينشـال
كما الشيخ الهزيل اللي مشيبه منقـضٍ ظهـره


عزيزه يالعيون اللي حضنتي دمعـة الرجـال
حبستي دمعته بين المحاجر يوم ضـاع امـره


عزيزه يالحروف اللي سكتـي والكـلام يقـال
حكيتي ماشكيتي الهـم وهـم القلـب ياكبـره


عزيزه ياليدين اللي ثنيتك باصعـب الاحـوال
اكفك ساعة الحاجـه وامـدك ساعـة القـدره


وعزيز النفس لو يصبر على صبر الليالي نال
ابصبر والرجل يصبر ومقياس الرجل صبـره


جروحي مزنةٍ منها هطل فيض الشعـر همـال
سقت جدب العروق اللي تبلـل ريقهـا قطـره


وعن حر الزمن صار حروفي للجروح ظـلال
تذرّت عن هبوب الياس حلمٍ قد بنـى قصـره


عساها للمطر روحٍ بها وادي الظمـا ماسـال
عروق سنينها جفت ووراهـا الزمـن غـدره


وعساها للمطر روحٍ خلص مرباعهـا ماطـال
كساها ثوبها الاصفر وكانت تلبـس الخضـره


على الله ينجلي وقـتٍ قضيتـه هـمٍ وغربـال
ويشعّ النور في قلبٍ غشى ليل الظَلَـم فجـره


على الله والولي الله وبامـر الله يزيـن الحـال
ويضحك للزمن قلبٍ مع همومه قضـى عمـره




][ منقول ][

][ اتمنى انها اعجبتكم ][

:22[1]:


][ تحيتي للجميع ][

كلمـآت رآئعه والاروع من ذلكـ من تم بنقلهـآ

سلمتـ يمنـآكـ

كلمات ليست كالكلمات فهي غاية في الروعة والجمال

سلمت كلتا يداك على هذا النقل الرائع

دمتي بصحة وعافية

مشاعر جذابه .. شكرًا لك
انرت متصفحي :)


تحيتي للجميع

صح لسان الشاعر وتسلم يمينك اختي هدوء

دمت بحفظ الرحمن

شوكراااااان ع المرور
منوريييييييييييين