منتديات أعز الناس - نصائـح هامــة ومجربــة.

نصايح هامه ومجربه حاول تقراها كل يوم
يعني كل يوم:
وأهم شي النهايه؟

--
لاتحاول انك تخسر احد قدر الإمكان
مستحيل انك تعيش وماتحتاج الناس والزمن ماله امان.
--
الطيبة مطلوبة لكن لها حدود وتدري ان الطيب بهالوقت مجنون يعني
مومع كل واحد تكون طيب واسألني اناعن الموضوع ذا بالذات
والله فيه ناس حرام حتى ان الواحد يبتسم لهم لكن خلها على الله
--
الثقة
ويا نار قلبي من الثقة
لاتثق في أي شخص مهما كان قريب والابعيد الابعد ماتجربه
مرتين أوثلاث وتتأكد من نواياه واذا بتثق في كل شخص فتحمل
اللي يجيك وبروح رياضية

--العاطفة
عزيزي احكم قلبك لاتسمح لقلبك في يوم يحكمك إذاسيطر عليك قلبك فتراها كارثة مهما ارتحت
دايم اصدق مع نفسك ومع الناس واحكم بعقلك ولاتحكم بقلبك ابد
لاتخسر عقلك عشان ترضي قلبك
--
لاتظن فيه احد بالدنيا بيفضلك على نفسه وبيضحي بمصلحته عشانك مهما قال
ترانا في زمن نفسي نفسي وماادراك مانفسي
وأنت داري وش أنا أقصد
--
لاتزعل نفسك ابد
الدنيافانية ومافيه شخص بهالدنيا يستاهل انك تزعل عشانه
مهما كان غالي وآي مصيبة قابلها بابتسامة ويفرجها الله
--
تجنب انك تجرح كرامة أحدمهما كان مخطي كل جرح يطيب
الا جرح الكرامة وجرح الإحساس
افرض على الناس احترامك احترم الناس يحترموك
ومثل ماتعامل الناس يعاملوك
وادري انك احسن مني في الموضوع ذا لأني انا إذا زعلت
ماعاد ادري وش اقول
--
لاتجامل قد ما تقدر خلك صريح وخلك
راعي كلمة واللي يزعل من صراحتك فتأكد انه موصادق معك
خلك صريح بس صراحتك لاتجرح احد يعني باسلوب وبادب وانت اخبرمني
-- الإحتقار
العالم النفسي (كلودبرنار) يقول:
لاتحتقرآي شخص لا بافعالك ولا بكلامك ولا بالتلميح ولا حتى بالنظر
فأنت لاتدري هذا الشخص من يكون بالغد ولاترتضي لغيرك مالاتـرضاه
لنفسك والافسوف تخسر!...طبعا واضح كلامه
-10-
الكذب مع اني متأكد إنك بعيد عنه
دايم مشكلة الكذاب إنه يخاف أن الناس يكذبونه
وهوما يصدق الناس وذي بحد ذاتها مصيبة
والكذب له أسباب منها :
*- عدم الثقة بالنفس واللي مو واثق بنفسه ليه عايش أصلاً
*- الخوف واللي يغطي بالكذب خوفه مسكين ويكـفـي
الضعف واللي نفسه ضعيفه الله يعينه
*- مريض نفسي
-11-
لا تمدح نفسك ابد خل افعالك هي اللي تتكلم عنك
-12-
آخر شي خلك مثل البحر اكتم بقلبك كل شي.ولاتبيح بأسرارك لأعداك..