شهيدة حبك سميني
أهنيك يا الغالي قدرت تجرحني
وقدرت تلعب بمشاعري وتبكيني
تقول صفي النية وصح شوفيني
وانت قاعد تلعب علي وتواسيني
كل يوم انوي الرحيل تقول صافيني
اسامح وأغفر وترجع تكوينــــي
حطيتك بقلبــي ووسط عينــي
لعبت بقلبــي وأوردتي و شرايني
تزعلني وتبتعد عني وتجافيني
ولما نتصالح ترمي العيب فيني
أعطيتك عهــد ووفا طول سنيني
لقيتك غــدر وجفا وتقول سامحيني
تغيب عني وتقول مو ناسينــي
ولما تتذكريني تقول سلينـــــي
ماني لعبة بيدك حبيبي وترميني
وللاسف ما عرفت تحتفـــظ فيني
كل الناس تحترمني وتشتريني
إلا انــت يا حبــي وغلا عينـــــي
أرجوك يكفي منك ما يجينـــــي
لا تخليني اشعر بالندم يا ضنيني
هقيتك دفا ومن البرد تدفينــــي
لقيتك انت سبب أهاتي وأنينــي
أرجــوك أتركني ارتاح برحيلـــــي
وبعد غيابك شهيدة حبك سميني
قلت لجروحـــي أنــت تداوينــــي
تقولي حبيبتي مشغول لا تلوميني
وانت ما تدري ان قلبي دليلــــي
كل شي تغير حبيبـــي ونكرت حنيني
أجيك بلهفة المشـــتاق لــ تحتوينــــي
ألقاك نار وجمــــر وبحبـــك تكوينــــــي
استأذنك بالبعد ولا تقول انتظريني
يمكن أشتاق لك وحبيبتك تسميني
|