السؤال الأول :
ماهي نظرتك للنت ؟ وهل فعلا ألنت سرق أبنائكِ من الجلوس معكِ ؟
النت فيه الصالح وفيه الطالح .. والذكي اللي يعرف كيف يستغله في الخير ..
وإن شاء الله أنه ماهو سارق عيالي مني لأنهم دايم حوليني ..
السؤال الثاني :
يا ترى ما هي الأمنية التي تتمنينها لابنك أو أبنتك الذي يقرأ عليك هذه الأسئلة ؟
أتمنى أن الله يوفقها في حياتها ويكتب لها الخير وين ما تكون ويسعدها دنيا وآخره .
السؤال الثالث :
هل ابنكِ هذا أوأبنتك هذه مرتبة أم فوضوية ؟ وما هو السبب ؟
بنتي مرتبة والكل يشهد لها وتحب النظافة والترتيب
السؤال الرابع :
هل تدليع الفتاة أو الرجل يدمر؟ وكيف تجمع بين حبك وحنانك له وبين تدليعه الذي ربما يخربه؟:
التدلع الزايد عن حده ماهو زين..وفيه فرق بينه وبين الحب والحنان ..
التدلع أنك ما ترفض له طلب أيش ما كان..وهذا يخربه ..
بس الحب والحنان إنك تبين له حبك وحنانك ولما ترفض له طلب توضح له الأسباب اللي تحسسه بهذا الحب والحنان..
السؤال الخامس :
لو طلب منكِ أن تغيري شيء في هذا العالم , ما هو أول شيء تفكرين تغيرينه ؟ ولماذا؟:
ما أدري والله بس أتمنى أن الناس ترجع تحب بعض وتسأل عن بعض وتصفى قلوبهم من الحقد والحسد.. لأن هالأيام نادر ما نشوف الواحد يسأل عن قريبه ولا عن جاره .. الله يرحمنا برحمته..
السؤال السادس :
ياتري ماهو المستقبل الذي كنتي تتمنينه من الصغر لابنك او ابنتك وهل هذا ماوجدتيه عليه اليوم ؟
كل اللي أتمناه أن الله يستر على عيالي ويوفقهم ويحقق أمانيهم ويبعد عنهم عيال الحرام
والله يكتب لهم الخير وين ما كانوا..
والحمدلله أنا راضيه باللي وصلوا له عيالي..
السؤال السابع :
موقف حصل لابنك او ابنتك منذ الصغر ومافارق مخيلتك الي يومنا هذا؟؟
أييييييييييييييييييه الأحداث كثيرة وش أقول وش أخلي .. وخلي الطابق مستور أحسن ..
السؤال الثامن:
نصيحة تنصحيننا بها أثابك الله؟
أنصحكم أن هذه الأجهزة ما تشغلكم عن عبادة الرحمن .. ولا تشغلكم عن أهاليكم ودراستكم.. وكل ما وسوس لكم الشيطان بشي غلط تعوذوا منه .. وشغلوا أوقاتكم بطاعة الله وباللي يفيدكم
والله يوفقكم ويرضى عليكم ..
جميع ما ذكر
ينقل للقسم الانسب