( تعبت أشكي.. تعبت أبكي )
تعبت أشكي تعبت أبكي تعبت أحكي مآسي الروح
قتلني الوقت بصروفه ذبحني وجفف انهاري
أخبي علتي وأسكت وأنا في داخلي مذبوح
أجامل وأرسم الضحكه وأنا قلبي على ناري
أحاول والله يعلم بي أداري دمعتي لا أبوح
أداري الجرح واتجاهل عن اللي ينشد أخباري
أقول بخير لكني جريحه وفي حشاي جروح
صداها لودفنته يوم يبين سنين بأنظاري
صرخت بحسرتي يكفي صرخت بصوتي المبحوح
ألا ياوقت وش ذنبي عشان الفيك باعذاري
تبعثر حلمي قدامي وغديت بدنيتي منزوح
وقفت ولا قدرت أجمع مغير مشتته أفكاري
أمني النفس وأخدعها وأقول إن كربتي بتروح
وهي والله مولوده قدر في أرحام أقداري
قتيله والبقا براسي في دنيا مابها مصلوح
قتيله والقهر قاتل من اللي ياخذ بثاري
أنا ببقى ضحية وقت أعاني والعنا مجروح
دعيت اللي خلق يرحم رجيته ربي الباري
أبي أسعد أنا بلحظه قبل نزعه توافي الروح
قبل ما أرحل عن الدنيا وأروح لآخر دياري
أنا بحمل صديد الجرح في باقي وقتي المسموح
وإذا وافتني القدره ترى المسج تذكاري
رثائي دمعي الطاهر في صمته مارضى بالنوح
رثتني قسوة الدنيا رثتني حتى أشعاري
لجل ما أضعف بعين اللي نشدني كيفها أخباري 
:059: