يستفهم ويشكي لها من تغير الزمان
والجروح العميقه مؤثره جداً وواقعيه

يمّه عسى ما أزعجتـك اليوم يمّـه..
أحس في صدري عـذاب وحريقـه
يضمني حزني وأنا حيـل أضمـّه ..
كنه ضناي وشوفته شـوف ضيقـه
يمه وأنـا ابنـك وإذا قلـت يمـه ..
شوفي لحزنـي والمواجـع طريقـه
ضميني لصـدرك ثمانيـن ضمـه ..
ضمة عشيـقن مفـارقن عن عشيقـه
وكانك سألتي خاطري ويش همـه..
بعلمـك وأبـي جـواب الحقيـقـه
ليه الزمان اليوم مافيه ذمه..
ليه الطعون اللي بظهري عميقه
وليه أنخدع في ناس كانت مهمه ..
ويوم أكتشفها وهم ماله حقيقـه
وليه الذي وقت الرخـا كـان قمـه ..
و وقت الشدايد مالقينا طريقـه
وليه الحسد يمي من عيون عمه ..
وليه الخطا لو قلت كلمة رقيقـه
أزيـد يمـه وإلا كافـي مغمـّه ..
أشوف عينك مـن هماهـا غريقـه
يمـه دخيلـك آسـفـ آآه يـمـه ..
كنـي جرحتـك وأنـتـي أغــلا صديقه