غرام أطفال جمعنا وكنا بشعور كبار
وفا قلبي مثل ماتوفي العشاق أو أكثر
أحب بجد ماألعب مثل منهم في سني صغار
ولا أذكر قلبي لو مره معاها كذب وقصر
في ذاك الوقت ماأكتب ولكن أحفظ لشعار
عشان اعجابها فيني يزيد ويصبح الاكبر
حفظت لخالد الفيصل قصيدة ياغريب الدار
وديوان البدر كله عشان أتعلم وأبحر
بنيت لحبها قصر عظيم وعالي الاسوار
ولا فكرته بيوم علي ذا الحب يدمر
غرام كنت له شاري وباع بأخر المشوار
أنا عقب الغدر هذا أنا وشلون ماتأثر
بكيت بيوم فرقاها تقل بين الحنايا نار
وكني فاقد الدنيا ولاني قادر اتصبر
أبتاأسف أنا لقلبي عسي يتقبل الأعذار
لأني صدق ذليته وعذري حيل متأخر