خل اقول لكم سالفه
عتيجه اشوي مغبره من ارشيف جد تي الله يرحمها "
تقول علي ايام الغوص قبل الرياييل يسافرون بالشهور يغيبون عن بيوتهم وفي خوات ثنتين الاولي امبلتعه مفتحه بالتيزاب والثاتيه فقيييييه امفهيه ماتدري وين الله قاطها"
المهم هالمبلتعه عندها سوالف مني ومناك والفلوس تلعب فيها لعب تشتري بهالذهبان والخام البريسم والزري بو بيزه وكل يوم كاشخه بدراعه شكل
يتها اختها الطبانه كان تقول لها ياخيتي ماتقوليلي انتي من وين اتييبين هالبيزات وهالذهب اللي يرهش عليج مضاعد وقلايد وتراشي كل يوم نمونه يديده
كان ترد عليها المبلتعه قالت لاختها شوفي انا مستعده اعلمج بس بشرط
قالت قولي بسرعه شروطج اعتبريها اوامر"
كان تقول لها الشرط اهو انك تطبخين جيلة عيش وتاكلينها ابروحج من غير مايحس ريلج فيج ون رجع ريلج من الشغل قوليله انا مومشتهيه الغدا شبعانه وخليه ياكل ابروحه
كان تقول المقروده هالشرط مقدور عليه بس مااطلبتي شى شايد بس علميني متي اطبخ ومتي اكل؟؟
قالت لها بكيفج المهم تسوين اللي قلته لك
عقب يوم يومين"
هالطباانه راحت بدار الجيل وخذت شيلة العيش ونقعتها وطبختها وكلت العيش وتالي اغسلت الجدر والصحن وكن ها مااسوت شي عقبها بشوي يا رجلها البيت طق الباب فجت له مرته الباب وهلا بوفلان هلا بوعلان حياك ويازين ملفاك وتفضل استريح ومن هالترحيب اللي يحبه قلبكم"
كان يقول حق مرته يامره اش طبختي اليوم الغدا
قالت ياريال ماااطبخت ولا لي خلق اطبخ قال هاااااااااااه يعني ماكليتي شى؟؟
كان تقول لا ورويسك يابعد عمري ماكليت شى
كان يقول لها وهالعيش اللي لاصق بملفعج وتقولين ماكليتي شى
تبلعمت المسكينه ومااعرفت شترد عليه وقعدت تتحلطم على اختها علي هالخطه
وراحت ركضه بيت اختها تقول ياااااااااااااااخيتي لحقي علي طبخت العيش مثل مااقلتي لي وكليت الصحن كله وغسلت الجدر والصحن وماخليت اثر بس مادري اشلون نسيت انظف ملفعي من حبات العيش اللي طاحت وصادني
كان تقول لها اختها المبلتعه شفتي اشلووون قلت لك منتي قد اللي انا اسويه خليك ياخيتي مجابله بيتك وريلج وايد ابرك لك" ماقدرتي تخشين حبتين عيش طاحوا علي هدومك وانفضحتي
"
عساهاااا تعجبكم هالقصة
|