منتديات أعز الناس - عرض مشاركة واحدة

05-29-2017, 04:23 PM

( المجموعة التاسعة )
.
.

( شوربة البروكلي )
"الطريقة والمقادير":
نسلق صدر دجاجة ثم نقطعه مربعات او تنتفين
حسب ما تحبين ..
ثم نسلق حبات البروكلي بنفس ماء الدجاج ..
ثم نخلط البروكلي مع نفس الماء السلق بالبلاندر ..
واذا تحبينها ثقيله شوي ضيفي ملعقتين طحين,
ونص ظرف شوربة كريمة الدجاج من كنور أو ماجي ..
نحمس شوي بصل ناااعم ثم نضيف نص حبه ماجي
وخليط البروكلي ..
ثم نضيف الدجاج, وبالأخير نضيف نص كاس كريمة ..
وبالعافية ...

( سلطة المكرونة )
"المقادير":
مكرونه مسلوقه، جزر، خيآر، حمص، ذره، بازلاء مسلوقه،
رع ملفوفه شرايح، خبز مفرود مقطع مربعات ومقلي.
"الصوص": علبة زبادي، 1 م ك طحينة، 1 م ك مايونيز،
ملح، خل، ليمون
وآخلطيهآ جميعاً بحرص ..
وتقدم بالعافية ...

( صينية العجآزين )
"المقادير":
* 3 حبات بطآطس مغسولة مقطعة شرائح بقشرها
(المهم ان تكون البطاطس تغطي لك الصينية) ..
* حبتين جزر مقطعة شرائح ..
* جيبي برقر دجآج او فيليه او شي مفرزن بالفريزر حق
قلي سريع, يقلى سريع وخفيف ويشرح شرايح طويله ..
* بهآرات مشكلة ..
* ( ملعقتين عسل ) وهنا السر ..
* نص كوب مآء مذوب فيه ملعقتين نشآء وملعقتين
صوص باربكيو ..
* وصوص الجبن للتغطية ..
"الطريقة":
على التآوه:
1- جيبي البطاطس وقلبيه شوي على النار لين ماتحسيه
بدى ينضج وضيفي عليه بهاراتك وملعقة عسل وآحد قلبي
لين تتأكدي انه كل حبة بطآطس جاها حقها من
البهار والعسل وحطيها بالبايركس ..
2- نفس الشي بالجزر حركيه لين يبدى ينضج وضيفي
بهاراتك وملعقة العسل الثانية ..
وآخر شي ضيفي دجاج البرقر وشوحيه مع الجزر على
خفيف ودايركت على الصينية ..
( مو شرط تنضج الخضار اهم شي تتشرب العسل والبهارات)
3- الحين ضيفي (نص كوب مآء مذوب فيه ملعقتين نشآء
وملعقتين صوص باربكيو)
4- غطيه بالقصدير وعلى الفرن وعطيه 45 دقيقة بالزبط
أو لين تحسي الجزر نضج ..
5- الحين جيبي علبة قشطة وملعقتين جبن وشوية كريمة
خفق وشوي ملح وصبيها فوق وخليها تتحمر ..
ولو كآن عندك جبن مبشور حطيه زيادة الخير خيرين ..
وقدميه ...
يقدم مرة مع خبز عربي وصوص زبآدي وطحينيه
ومرة عادي كانه صينيه مع حمص ومتبلات
* راعين الدايت مايصلح لكم
وبالعافية ...

( ساندوتشات التوست بنكهة مميزة )
هي ساندوتشاتتوست عادية بس التكنيك فيها شوي
يختلف فبالتالي النكهة بتتغير تماماً ..
نخلط بصحن بيضتين و صلصة تتبيل أجنحة الدجاج ..
بنات لا تتقيدون فيه أنا مجرد إنو حبيت نكهته ..
ممكن تحطون ويستشر صوص أو اي نكهة تحبون ..
مع شطة حارة hp أو اي نوع تحبون شوية ملح وشوية
فلفل وبابريكا ..
نتبل فيها التوست من الجهتين بعد ما نخفقها ..
نحط التوست بصينية وعلى الفرن من تحت وفوق ..
ممكن بهالمرحلة ترشون عليه شوية جبن بارميزان على الوجة
<< مجرد إقتراح
نجهز الحشوة أنا حشوتي دجاج مع الخضار والمايونيز والخردل ..
دهنت الساندوتش بالخلطة وحطيت جبن سلايد ..
حطيته بحماص التوست ..
الطعم مررة جميل ...

( تشييز كيك بارد )
"الطريقه هذي تقليديّه وناجحة دائماً":
200 جرام بسكوت دايجستف مطحون مع 200 جرام
زبده مُذوّبه ..
نخلطهم مع بعض ونرصهُم كـ طبقه أولى بقالب التشيز كيك ..
بالخلاط نضيف 14 حبة جبن كيري
1 علبة قيمر كبيره
3/4 علبة نستله " انا حطيت بس النص ما ابيها حيل حاليَه "
1 ظرف ديم ويب

إذا انخلطوا عدل بالخلاط بدون أي تكتّلات
نضيف عليهم التالي:
1/4 كوب ماي حاار تذوبُون فيه ملعقه كبيره
جيلاتين " تذوبونه تماماً "
وتصبونه الخلطه الكريميّه وتخلطون مره ثانيه بعدين
تصبونها فوق طبقة البسكُوت
و بالثلاجه لين تتماسك / أفضل تخلونها ليله كامله أحسن
وزينوها باللي تحبونه ..