من أروع ما قرأت
عندما يعانق القلم الأنامل
وتغوص في بحر الوجدان
وتشعر بالحصار اللا إرادي
تتدفق المشاعر جياشه
لتخرج لنا هذه الرائعة
..............
طلبتك بالذي خلى عيونك لي مسـار ودار
أمانه لو خذاك الدرب يوم فـسكـة أحبابك
توقف وأشر بيدك يجـوز تسولـف الأمطار
عن حضورك وتتجمع غيوم الشوق بأسبابك
هنا نامت حكايا حب ونامت زهرة النوار
على كف اللقا ياللي عجزت أطرق بها بابك
وش تظن الليالي اللي مضت غير تعب وأسفار
ما دام إن الطريق اللي خذاك فيوم ما جابك
تعال إنفض عن أيامي تعب مدري بقايا غبار
تعال وكحّل عيون السنين بلفته أهدابك
تعال أتهجّى فحضورك كلام ما انكتب فأشعار
تعال امحيني واكتبني قصايد حب في كتابك
تعال مسامح طعون الغياب وما أريد أعذار
تخيّل كل ما فيني سكنته وصار يحيى بك
سلطان العميمي