واذا سألتهم يردون علي بتعجب:
'معقولة ما تعرف؟'
إلى إن أصبحت أستحي أسألهم.
وصرت أسوي نـفسي فاهم وأنا معهم
اذا ضحكوا ضحكت معهم
واذا استغربوا استغرب معهم
مرة كنت قاعد معهم
واسمع سوالفهم
يقول واحد منهم: مدير الـ HR عندنا مغرور وشايف نـفسه
والمشكلة ان إدارته لا تهش ولا تنش
يرد ثاني : ووين الـ MD؟ ما يتدخل بينكم؟
الآول : مشغول باجتماعات ما تنتهي مع الـ CEO.
وحنّا متورطين مع جماعة الـ IT، ما نـقدر نتكلم معهم أبد.
الثالث يشارك : أوه.. هذولا أشغل ناس .. دايمً الـ KPI
حقهم ضارب في العالي.
الرابع : يا جماعة حنّا في 'الويك إند'.. تكلموا في شي ثاني..
أتنهد وأقول في نفسي: الحمد لله جاء دوري في الكلام وتوني ابا أبدا أدخل بسواليف حلوه إلا
يسأل واحد منهم: وش أخبار الـ DFM؟
الثاني : تعبان، عشان ال IPO الأخير جاء على غير المتوقع،
وما ربحنا فيه ريال
الأول : قلت لك أن هذا زمن العقارات.
أقول في نفسي: العقارات؟ الحمد لله أعرفها ذي ....وتوني بقول
الحديد رخص والعقار بينهار ..
يقول واحد:
فيه فلل للإيجار في الـ JBR يا شباب؟
الثاني : طارت الطيور بأرزاقها.
قلت في نفسي ...زين اللي ما قال TTB،
طارت....الطيور ...بأرزاقها
يقول أحدهم: اتركوا العقارات وخلونا نتكلّم عن الزحمه في الشوارع.
- أمس أعوذ بالله كنت بدبي، مستحيل الواحد يمشي بـ Rush hour
وبدت الزحمة قدّام الـ DIC إلى بوابة سالك.
- وأنا كنت في طريقي للـ DMC وبقيت ساعتين في زحمة شارع الشيخ زايد.
يخلص الكلام عن الزحمه، ويناظرني واحد منهم ويقول:
ابو سعد ...إلاوش سويت....ليش ما تاخذ الماستر' في الـ MBA؟
أقول في نفسي: أكيد أنه يقصد 'الماستر كي' ....بس غريبة.....وش دخل ... المفاتيح بالموضوع بس تداركت ان الموضوع مش مفاتيح واني ضايع في هالمعمعة......وما عرفت أرد
وقلت : ما اقدر .
رد ثالث : ما تـقدر ؟؟؟؟ ليش- كم كان الـ GPA حقك؟
يا ربي وش يقصد ............قلت المشاركة ولا فقه الخشة
أرد عليهم : ما اذكر، بس انه 'أوتوماتيكي'.
يضحك الجميع ويعتـقدون أني أمزح. ويوم جا وقت العشا يقولون:
- مطعم هندي.. لا إيراني.. لا شامي.. قال واحد يا جماعة اشتقنا إلى الـ KFC.
كلهم وافقوا وقعدوا يناظروني ينتظرون رايي،
قلت: أنا باروح للبيت وأنتم روحوا للـ JWM .
قالوا:وشو هذا JWM !!
قلت : ' معقولة ما تعرفون JWM ..؟
ورحت ولا علمتهم
شرح الاختصارات :