صبحكم الله عسل صباحاً ومساكم الله قشطة مساءاً



(( مشاهد أدخل بها للموضوع ))


(1)


نورة : والله ودنا نخطب لأخوي محمد
فاطمه : شوفي يارا سمعتها اخلاق وجمال وما عندها لف ودوران وما شاء الله عليها اسلوب تدخل مع الكل
نورة : يافاطمه اخاف اقول لهم عنها ثم ما يصير نصيب وتزعل البنت علي أو يجي في خاطرها شي
فاطمه : لا ما عليك هذا الشي قسمه ونصيب وبالعكس بتعرف انك تبينها انتي وبتعزك اكثر
نورة : اجل اليوم بكلم اخوي وامي عنها عشان يخطبونها .


(2)


خلود : يايمه حنان ما تصلح لأخوي
الام : ليش يابنيتي
خلود : لان اخوي متربي معها ونشأتهم سوى واحس انه ما راح يعتبرها إلا اخت له
الام : ما عليه مهوب حافظها اكثر من اخوك لانه ولد عمها وهو أولى بها واليوم بكلم ابوك يخطبها من عمك
خلود : الله يوفقه يارب وما اتمنى له إلا كل خير



(3)


ناصر : سعود فيه وحده اكلمها وارتحت لها وودي اتزوجها
سعود : ياناصر انت صاحي تتزوج وحده تكلمها ؟!!
ناصر : ايه ياخالد ابي اتزوج عن حب واقتناع
سعود : الله يوفقك يارب ولكن فكر زين وش بتقول لأهلك
ناصر : اهلي بقنعهم بطريقه غير مباشرة ولكن اهم شي اخذها
سعود : بالتوفيق ولكن فكر قبل كل شي



للخطبه عدة طرق منها انهم يسمعون عن بنت ولا يعرفونها ولكن حسب ما يسمعونه ان سمعتها طيبه ومن هذا الأساس يخطبها الاهل " حسب سمعتها "


ومنهم من والله يخطب البنت لانها بنت عمه وعنده يقين بأن ما راح يحفظها ويستر عليها احد اكثر منه ومن هذا الاساس يخطبها الاهل "بنت اعمي لي اولى من الغريب"


ومنهم من يقول لا والله هذه شريكة حياتي طول عمري وبختارها على كيفي بكلم وبحاول اشوف الي تناسبني اسلوب واخلاق وشكل وبخطبها "حسب وجهه نظره الشخصيه"



....................


للأمانة الموضوع أعجبني .. و نقلته بين أيديكم ..
ليتم النقاش حوله ..



أكيد لكل واحد منكم طريقة يفضلها في الزواج ..
صحيح الإنسان مايعرف ايش الله كاتب له ..
و الموضوع في النهاية قسمة ونصيب وتوفيق من رب العالمين ..
لكن من خلال وجهة نظركم .. أو من خلال تجاربكم الشخصية اي من الطرق سابقة الذكر تفضلون في الزواج .. ولماذا ؟ ..




موضوعكم بين أيديكم ..