قصة طالب يريد يصارح بنيه طالبة وياه بالقسم
.
.
.
.
طالب وعايف دروسي واقرا اشعار وجرايد
وعاشق بنيه بقسمنه والقلب بس الها رايد
هي حلوة .. هواية حلوة واني عمي شلون واحد
بالفرن ناسيني اهلي وحتى لون عيوني جارد
حاولت الفت نظرها بكل وسيلة وماكو فايد
غيرت لبسي ومشيتي وفكري بالمودات شارد
وجللت شعري وصبغته ولبست حتى قلايد
قعدتني ع الحديدة لا بعت حتى الحدايد
لا تقلي ولا اقلك بهذلتني الله شاهد
وهي تدري بس خبيثة مثولة والدلال بارد
وانه نار بنص دليلي خاف اصارحها وتعاند
مرة اقول احجي معاها ومرة اقولن خلني راچد
وين چانتلي يربي چنت متونس وقاعد
وقررت لازم ابوح بحبي الها وما احايد
بوري ما بوري اسولف قابل مصارح مجاهد
جيت وتقربت يمها جسمي يرجف حيلي بايد
والضغط يمي تخربط مرة نازل مرة صاعد
قمت اتمتم قمت اعتعت قمت احس بلساني جامد
چني سيارة عتيقه وانكسر من عدها گايد
ردت افلت ما عاد ينفع قالت اتفضل شرايد
قلت عفواً من رخصتچ بلكي عندچ قلم زايد
وسلامتكــــم:165[1]: