حبيبي بذمتك جاوب اذا كان الهجر خيره
~ْ ღ ْ~
حبيبي بذمتك جاوب اذا كان الهجر خيره
تعال ارجوك جاوبني آنا هدتني اقداري
اذا فعلا آنا جافي ترالك بالحشا سيره
كيف انساك آنا قلي وآنا قد هزني الطاري
حبيبي هذا مرسولك آمانه وشهو تفسيره
اذا لي خاطر عندك تعال ونشعل انواري
آنا حلمي حلم عاشق واذا بتشوف تأثيره
بتقراحبك بقلبي معي في عنوة أسفاري
آنا لو خانني ظني وخان القلب تعبيره
حسافه مايفيد الحب حسافه تالي اشعاري
آنا دونك مثل شاعر عجز يرضي جماهيره
آنا دونك مثل نجمه تغيب بصبحك العاري
انا دونك مثل منزل قهر ماضمته ديره
أشب النار عشان ادفا ولا هي للأسف ناري
آنا دونك مثل شعب بغت صهيون تدميره
تعبت وضاقت الدنيا وصار الخوف مشواري
ياعذب حب آنا عشته جنون ويتبعه غيره
آنا لك قصرك وكيفك تعال وحطم أسواري
الا ياحبنا يكفي قهر باول مشاويره
قهر لو كانت الدنيا تعاند قمة أفكاري
شبيه الريح آنا كلي كسر مافاد تجبيره
اجيك وعزتي تسمح اسولفلك عن أعذاري
حبيبي طالبك تقبل صغيرك في معاذيره
مادامك صرت لي دنيا وصرت اليوم بحاري
مجاديفي عذاب وهم وطعنه من مساميره
وصفحات الشقا فيها كتاب يحكي أقداري
انا جيتك تحملني مسافر من مقاديره
ابيك آخر محطاتي وآخر خطوة بدياري
وقبل لاترحل سمعني جوابك وشهو تفسيره
ولو كان الجواب امزح وربي لآخذ بثاري
ْ
ْ
ْ
مما راق لي
|