ناديت جاوب لو ألم دام المدامع ياسمين
و اسكت الى صار الفرح وحده لنا و الابتسام
ما فيه عشق ما ظلم دام الاسامي عاشقين
هذا العذر ياللي تدور للعذر ما به كلام
نجلا صباح و ينكتب باكر صباح من حنين
و نودع جروح المسا لا ملت عيون الظلام
ما فيه حزن سرمدي سلما تقوله من سنين
ما فيه بسمه ما تذوب والحرب تاليها سلام
هذا العمر حزن و فرح قاسي و مرات يلين
يا عل لو يكتب على عين السهر مره تنام
لو نجمع أوراق الخريف و نعاتب اشجار و طين
ينبت من الجدب السحاب و تمطر عيون ما تلام
من علم الطفل البكا من علم العشق الانين
لو نفترض كان الزمن من خبر اسراب الحمام
يا حظ من يبكي بخوف لا حدث القاع بجبين
يا حظ من شق السما بدعاه في شهر الصيام
يا حظ من يرضى القضا لا صارت الساعة يقين
ياحظ من خافت خشاش الارض تاكل به عظام
حنا كذا نخطي كثير و اثر الخطا وجه حزين
يا رب غفرانك عبادك ما لهم غيرك مقام
|