منتديات أعز الناس - عرض مشاركة واحدة

11-17-2009, 01:50 PM

1/ كل انسان له حلم في الحياة ... شو حلمك و هل تحقق أم لا ؟؟؟

بصراحه كان حلمي أكون ضابط :006:
بحكم أن العائله فيها ضباط كثير فكنت حلم أصير مثلهم

طبعا أغتنم هالفرصه وأدعي بالنصر للجيش السعودي في صد المعتدين .. وأخص بالذكر الملازم مظلي (( الصاعقه ))
ياسر ولد عمي .. طخطخهم كل أبوهم وأمهم يا ياسر :522:
وأدعي بالرحمه لشهدائنا من القوات المسلحه ..
2/ كيف تقضي أوقات فراغك ؟؟؟ و شو هواياتك ؟؟؟

أوقات الفراغ أحيانا أقضيها بقراءة كتاب أو جريده ..

هوايتي الإستمتاع بالوقت والسفر ..

3/ متى تكون في أوج سعادتك ؟؟؟

لما أساعد الناس .. لما أعطي درس وأسأل الطلاب و يجابون صح .. لما أشوف إبتسامه على وجه من حولي سببها آنا .. خاصه الإبتسامه لما تكون من الوالدهـ ..
4/ قرار اتخذته و ندمت عليه ...

كثير قرارات ندمت عليها .. لكن الندم عندي ما يوصل حد التوقف عند هالتجربة الفاشلة .. بالعكس الفشل نجاح لاننا نتعلم منه .. ونحاول ننهض من جديد ..
5/ موقف صعب مر عليك ...

قصة حصلت لي لما كنت مسؤول عن الإرشاد الطلابي بأحد المدارس .. كنت بالمدرسة (( تقع في قرية على ساحل البحر الأحمر )) و جاء معلم من المرحلة الثانوية معه طالب من طلابنا (( المرحلة الإبتدائية )) وقال المعلم أنه حصل الطالب يمشي بالشارع بإتجاهـ البحر .. الطالب بالصف الرابع الإبتدائي ..
كان يرتجف من الخوف ومرتعب .. طبعا جلسته وحطيت له عصير ومويه .. وبعد ما حسيت أن أعصابه هديت شوي ..
سألته : ليش هربت من المدرسه يا مشعل ؟؟
قال : أبغى أموت نفسي ..
قلت له : ليش يا مشعل تبي تموت نفسك ؟؟
قال : قال لأني ما حليت الواجب ..
قلت له : لكن هالشيء ما يوصل حد تقتل نفسك ..

سكت مشعل ..
بصراحه حسيت أن ورا الولد سر كبير .. قمت وأخذت ملفه وطالعت دفتر العائله .. أب .. أم .. أخوان .. وبعد عنده أخوات ..
قلت له : بس يا مشعل لو أنت قتلت نفسك أبوك وأمك وأخوانك و أخواتك وعديت أسمائهم عليه (( علشان يتأثر )) راح يبكون عليك ..
حزتها تبسم مشعل وقال : يا أستاذ أنت ما تعرف شي ..
قلت له : طيب خبرني ..
قال : شوف يا أستاذ آنا أبوي مطلق أمي ومتزوج من حرمه ثانيه وساكن بقريه تبعد من هنا 30 كم .. وأمي بعدهـ تزوجت واحد ثاني وتسكن بقريه من هنا 100 كم .. وأخواني مو هنا و مدري وينهم حتى !!
أختي الصغيره عند أبوي واللي بعدها عند أمي ..
وآنا حاليا أعيش عند جدتي العجوز ومعايه أختي الكبيره اللي تسافر كل يوم 120 كم رايحه و 120 كم راجعه علشان تدرس بكلية التربية وتجي العصر تعبانه وتنام يعني يا أستاذ قليل أجلس مع أختي .. بهاللحظه بدت دموع تنزل من عيون مشعل .. دموع بارده .. كانت تنزل بدون ألم .. كان يتبسم كل شوي ..
ودموعه تنزل على خدهـ .. يالله إيش كثر كان موقف مؤثر ..
قلت : كمل يا مشعل ..
قال : يا أستاذ آنا مو زعلان الآ على جدتي .. هيا المسكينه إللي راح تفقدني .. لاني دايم أجلس اسولف معاها .. جدتي هيا اللي راح تبكي عليا بس .. لكن مو مشكله راح تنساني .. آنا خلاص تعبت يا أستاذ أبغى أموت نفسي وأرتاح ..
قلت له : طيب وش رآيك أكون أخوك الكبير ؟؟
قال وإبتسامه حزينه على وجهه : أنت كثير عليا يا أستاذ .. ما اعتقد ترضى يكون لك أخ مثلي .. وبعدين راح تسوي مثلهم تتركني و تتخلى عني .. خليني أموت وأرتاح ..
قلت له : ليش وش ينقصك ؟؟
قال : كل شي .. (( ودموعه تمشي بهدوء مخيف على خدهـ ))
والله ما كان يبدي أي رد فعل .. حتى إيدهـ ما مدها ومسح دموعه .. وآنا تركته علشان تنزل دموعه ويرتاح ..
قلت له : طيب آنا بكون أخوك الكبير بهالمدرسه وراح أساعدك وأوعدك ما أتخلى عنك أبدا ..
قال : أدري أنت تكذب عليا علشان ما أموت نفسي ..
قلت له : طيب جرب كلامي .. آنا بكون أخوك وما راح أتخلى عنك أبدا أبدا .. وراح أساعدك .. وأي شي تبيه آنا حاضر فيه ..
بعدها تبسم مشعل .. وقال : توعدني ؟؟
قلت : أوعدك ..
بعدها ضميته على صدري و جلس يبكي بحرقه .. والله ما قدرت أحبس دمعتي .. صدقوني وآنا أكتب هالسطور دمعتي سالت غصب عني .. جلست بالمدرسه علشان مشعل سنتين و بفضل من الله وحده ثم بإجتهاد المعلمين معايه تغير حاله من طالب كسول يفكر بالإنتحار إلى الأول على الفصل بالعلم والأدب .. بصدق أفتخر بأخوي مشعل .. لما نقلت من المدرسه قال مشعل : راح أجتهد و أصير دكتور .. قبل فتره زرت القريه والتقيت أخوي مشعل .. أبشركم بأفضل حال ولله الحمد ..

6/ رأيك بكل صراحة في منتدى أعز الناس؟؟

منتدى في بدايته .. وبإذن الله القادم مذهل أكثر ..

آنا أشبهه بورده تحتاج للماء و الهواء والضوء والعنايه
وسوف تخضر أوراقه ويفوح عبير شذاهـ .. قريبا ..

مين عندهـ أسئلهـ .. :006: