بالصراحة يا أخت ( رنــــــــا ) والله فكرة رائعة اللي جبتيها
بس كذا .. راح نقلب المواجع .. بعض الجارئم مو هينة ..
مثلاً ..جريمة قتل .. إي والله يا إخوان جريمة قتل ..
تبون تسمعون جريمة قتل تسببت فيها وأنا ما بين
ثلاث سنوات والأربع سنوات .. نفس بريئة راحت .. والله حسافة ..
إلى الحين لما أذكرها يوجعني قلبي .. اشلون أحكيها ؟؟!!!
÷
÷
÷
÷
÷
هذي الجريمة وقعت في القرية التي كنت أعيش فيها قبل
ما ننتقل للحاضرة ..كنت جالس ألعب ولا على بالي....
وفجأة مروا صغار وأمهم تمشي قدامهم .. قمت أنا مسكت
واحد من الصغار .. كان شكله خايف .. ويصيح .. مسكته
إلين شاله حيوان مفترس من يدي .. خطفه خطف مو مصدق
أشلون صار كذا ..
هذي الأم هي ( الدجاجة .. طبعاً تعرفون الدجاجة ..) والصغار
هم كتاكيتها .. والحيوان المفترس هو ( القطوة .. أو القطو )
إي والله يا إخوان .. مسكت هالكتكوت المسكين.. وقاعد أقربه
من القطو ..
على بالي أنه ما يستجرئ يشيله من يدي .. وبسرعة البرق
خطفه والتقمه وطار .. جريت خلفه ..وأنا مقهور .. وصوت
الكتكوت يزوي .. إلين إختفى ..
إلى الحين أذكر ها لموقف وحاز في نفسي ..
الجريمة الثانية .. كنت أمارس الطب الشعبي .. بس ما أحد
يقدر المواهب .. كويت أختي بالنار .. طبعاً اللي اصغر مني ..
بس الجريمة.. ذي .. تكفخت عليها تكفيخ .. عشان كذا أحس
ضميري مرتاح .. وهي الحين تشكرني .. لأنها اتجهت للتمريض
واستفادت .. خخخخخخخخخخخخخخخخخخخخخخخخ
عقب هاتين الجريمتين .. تبت وأطلقت لحيتي .. وصرت
ألقي محاضرات في القرية .. وصلح حالي .هههههههههههههههههه
ودمتم سالمين ..
|