" أعاتب عيوني "

أعاتب عيوني إذا هي غمّضت
واعاتب الرمشين لو كنتي معاي

ثم اعاتبهـا إذا ما غمّضـت
واعاتب الرمشين لو مانتي معاي



" قال عني "

قال عنـي فـلان ما فيني عقـل
قلت له يا فـلان لا مانته كذوب

العقل والسمع والنظـرة وكـل
باقي الإحسـاس في ذاتي قلـوب

كلها تهـوى الحبيـب المكتمـل
وتشوف زينه بس ما تشوف العيوب

الصعب لعيـون محبـوبي سهـل
أرضيه انا لو بالخطايا والذنـوب



" قال "

قال يامـا فيه غـيره بالألـوف
قلت حبه يا بشر مفروض فرض

قال لبـي له مطاليبـه ويلـوف
قلت كل الكون له طولٍ وعرض

قال لو كان الطلب روحٍ وجوف
قلت روحي مقترضها منه قرض

قال مهما كان به عيـبٍ تشوف
قلت عيبه مثلنا يمشـي بالارض








تنبيه:
هذه القصائد تخضع لقانون حقوق الملكية الفكرية ونحذر من
نشرها دون نسبتها للكاتب/ عمر العمر