مساء / صباح الخير جميعا اخواني واخواتي في منتدى اعز الناس .............
اليوم راح اتكلم عن موضوع جدا مهم بالنسبة لي واظن ايضا بالنسبة لكم


راح ابدأ بسرد موقف حصل معي وما زال يحصل ويتكرر ....
كنت انا وصاحباتي نتناقش حول احلامنا وطموحاتنا اذا تخرجنا من الثانوي وايش المجال اللي ودنا نتخصص فيه ....
وحدة منهم قالت انا ودي اصير دكتورة ... لكن ابوي رافض !!!!!!!!!!!!
ناقشتها بحدة وقلت : ليش ؟؟؟ ايش سبب رفضو للموضوع
قالت ان فيه اختلاط وخرابيط وخرابيط وووووو..... الخ
قلت لها الحين انتي اذا رحتي المستشفى ترضين دكتور رجل يكشف عليك او ابوك يرضى هالشي ولا يقول خلّوا الدكتورة تكشف عليها؟؟
قالت اكيد دكتورة حرمة تكشف علي استحي ادخل على رجّال
قلت لها : طيب؟؟؟؟ ليش هو يرفض انك تصيرين دكتورة تفرجين هم اكثر من بنت ما ودها تدخل على دكتور؟؟ الحين اذا كل أب عمل مثل ابوك وجلّس بنته في البيت ورفض انها تدخل طب مين راح يكشف عليك ؟؟؟؟؟
اذا هو عادي الموضوع عنده خلاص خليه يرضى ان رجّال يكشف عليك ولا يزعل
الحين الوحدة من الحريم لا راحت تولد بالمستشفى قال زوجها لا يدخل عليها رجّال
خلوّا حرمة تولّدها وسوّى قضية وزعل وقوّم الدنيا ولا قعدها عشان لا يدخل على حرمته رجل طيب ليش ترفض ؟؟؟؟؟ ارجع اكرر السؤال مدامك مو راضي رجّال يكشف على حرمتك شلون ترضاها لبنات الناس ؟؟؟؟
القصة مو بس رفض السالفة تفكير متخلف ما زاااااااال من زمان الى الان مع تطورهم بكثير مجالات مستحيل مخهم يتطور مثل ما هو ما تغير .. تفكير ايام زمان ما ينفع
الان وربي ما ينفع انا ما اقول تخلى عن عاداتك وقيمك لكن اقول تعامل مع الموضوع من منطلق انا اذا حصل معي هالموقف ايش احب يحصل ؟؟؟
اذا انت تعاملت مع الموضوع انه راح يحصل لك بتتعامل صح معه لأن فيه مصلحتك >> مشكلة هالعالم الحين ما يحب الا نفسه ومصلحته عشان كذا انا ناقشت من هالجهة .
الحين لا صار الواحد بيتزوج سأل عن وظيفتها قالوله دكتورة قال شيلوها من بالكم حرمتي ما تصير دكتورة !!!!!!!!!!!!!!!!!!!!!!!!!!!!!!!!!!!!!!
مليووووووووون علامة استفهام يا حبايب .... متى هالتفكير بيتعدّل ؟؟
ليش تطالعون باللي تشتغل دكتورة انها مسوية شي غلط؟؟ او انها مسوية شي حرام
ما هي اشتغلت عشان تساعد بناتكم وبنات المسلمين وعشانه طموح كبير وشغلة محترمة وتفيد الناس .
من الف زاوية ومليون ناحية تلقى اللي يفكر بهالطريقة غلطاااااااااااااااااااان ايوة نعم غلطاااااان ايه صح الدكتور فيه الخير والبركة لكن يجب وجود دكتورة اي مرأة عشان تتعامل مع المرأة اللي مثلها .... لأنك انت يالرجل رافض دكتور يكشف على حرمتك ويعمل لها عملية او يولدها وووووو ... كثير الامراض الحين انت محتاج بالاخير دكتورة تتعامل مع حرمتك وتشوفها
عن نفسي انا ارتبك لا شفت دكتور ما احب دكتور يعالجني اسوي ساااالفة بس عشان اطلع لو اكذب اهم شي ما يعالجني رجل مع ان ابوي يقول يا بنتي ضروووورة وانتي الحين تعبانة وانا اللي اعارض مع العلم ان ابوي شديد الغيرة وعصبي لكنه متفهم
لانه ما لقى دكتورة قال دكتور ومنها هو يتفاهم معه بس انا؟؟؟؟
انا ما اقدر ,, اخاف كذا خلقة
وبالاخير ترى عالجني الدكتور وما طلعت من كذبي وحوستي بنتيجة ... المهم
البوينت اللي ابغى اوصل لها هي انتوا ايش سبب تفكيركم السلبي بالموضوع ؟؟؟؟؟
وليش هالنظرة الباااايخة اللي ما لأمها داعي للدكتورة؟
انا ما اقول كلكم لازم تقولون ان الصحيح المرأة تشتغل دكتورة لا انا ابغى اناقش ابغى اطلع من تعبي هذا بنتيجة ابغى افهم عقلية اللي حولي ليش صايرة كذا ؟
يعني لما انت ترفض هالشي عشان سبب الاختلاط بالنسبة لي هذا سبب غير مقنع ابدا يعني بذمتك هذي مش تربيتك اللي انت تعبت فيها؟؟
يعني انت مش واثق ببنتك ؟
لا تقول الشيطان شاطر لالالالا انت لازم تفهم انك لو كنت مربيها صح وموصلها ثقتك فيها ومحسسها بهالشي مع مراقبتها بدون ما تجرحها ومعلمها ان قاااااعدة ان الشي اللي تستحي تسويه قدام الناس معناه انو شي غلط وما يصلح انها تسويه يعني انت بكذا تكون علمتها صح وربيتها صح واديت مهمتك على اكمل وجه خليها هي اللي تعرف وتستنتج ان الشي اللي هي قاعدة تسويه صح او خطأ حسسها بالمسؤولية بالثقة مو الثقة العمياء لالا ثقة مع مراقبة من بعيد لبعيد حسسها باستقلاليتها وانها كائن بشري له حقوق زي ما عليه واجبات لا تهملها وتهمش دورها في البيت استشيرها ايش بيضرك حتى لو ما عملت برايها صحح لها اخطائها وافكارها ادري اني دمجت لكم اكثر من موضوع وطولت لكن كل اللي قلته سابقا له علاقة بطريقة تفكيركم
ولما انت تكون سويت هالاشياء خلاص تصير بنتك جاهزة للتعامل مع العالم الخارجي خصوصا انها وصلت لسن يأهلها انها تكون مسؤولة وناضجة خلاص انت ربيت لا تغصبها على شي هي رافضته خصوصا اذا ما كان غلط
تعبت احبس هالافكار بمخي ولا لاقية اللي يفهمني ويفهم افكاري انا مجرد بنت عاشت وشافت بمجتمع اغلب تفكيره سطحي ومتخلف >> موووو الكل
ليش مثل ما انتوا استقبلتوا الحضارة بجانب ما تستقبلوها بجوانب اخرى اكثر اهمية
بليز جاوبوني ...
بالاخير اتمنى لكم كل الخير واتمنى اني اكون وصلت الفكرة وماااا زلت ابغى اتناقش وافهم افكاركم وسوا باذن ربي نطلع بنتيجة حلوة مو بس كلام عالفاضي
شكرا لكم حبايبي وسووري اني طولت لكن والله من حرقتي على هالموضوع