جتني تقــول اوصـــف جمالي بالابيات
..................... ودّي ولـــو أطــري عليــــك بقصيـــده
قلت العفـو 00ودّي ولا شـــك هيهـات
..................... اوصــافكِ اللـــي للقصــــايد عنيـــــده
لا بالقصايد بخـــل ٍ ولا هـن شحيحات
..................... وشاعــرك في حسنـك حروفـه زهيده
دوّرت حــــرفٍ يـوصـفــك وابجـديات
..................... ولا لقيــــت مـــن المعانـــي تفيــــــده
صدّت واشــوف العيـن غرقىً بدمعات
..................... وأقفـــت وقالــت هالكــلام لا تعيـــــده
ردة فعـــل هزتنـــي وفجّـــرت الآهـات
..................... في لحظـــةٍ جتنــي حروفـــي مديـــده
قلت اصبـــري ياللـــي ملامحـك آيــات
..................... في حسنــها وافكــاري منــها شريــده
انتِ الذي بالحســـن والزيـــن غــايات
..................... ياللي جمـــال الكـــون بيــدك رصيــده
حبـــك بقلبــي حــيّ للحيـــن ما مـــات
..................... والعمـــر كلــــه فدوتــــك يالعنيـــــــده
لك فـــي زراق العيــــــن لجّــه وغبّـات
..................... لَا سلهمـــت واعـــــزّي للـــي تصيــده
ياللي خــذا منكِ القمــر بـِيـض وجْنـات
..................... وحمــــر الشفايــف جمــرةٍ بي وقيــده
وقت الغــروب مع الشفــق فيه لمحـات
..................... من لــــون خــدك حمـــرةٍ به تزيـــــده
بديت ابوصف نحرها والمســــامـــات
..................... قالت كفــى وباللــي سمعتــه سعيــــده
أخــاف تســرح في خيـــالك بسجّــــات
..................... وفكـرك يتـــوه بوصف شي ما نريــــده
قلت امهلينـــي دام حــروفــي مطيعـات
..................... ودي أكمّـــل لك اوصـــــافٍ جديــــــده
أبدت خجلـــــها والحيـــا منـــه شارات
..................... ينذرنــي باللي قلتــه ما عــاد ازيــــده
قلـــت ابشري تفـداكِ روحـي المشقّــاة
..................... وتفداك عيــني اللي من اجلك سهيـده
الا الزعل مااقـــــواه لو كان لحظــــات
..................... وحبـك في قلبــي ماشي ٍ مع وريــــده