شكراً لك على الاستضافة يا Silver Lion

وهذي اجاباتي على اسئلتك...


هدفك في الحياه ؟؟

حالياً اتمنى اكمل دراستي..
وكل اللي اعمل عليه هو اني اوصل لمرحلة انا راضية فيها عن نفسي من جميع النواحي..


حلم نفسك يتحقق ؟؟

بصراحة احلام كثيرة،، لكن اهمها خاص جداً..


حلم لكن مستحيل انه يتحقق ؟؟

أن يرجع لي اخوي وحبيبي وصديقي واكون معه زي زمان..
لان البيت اظلم بدونه..
"حلم مستحيل يتحقق لانه هذا القدر كلنا بنمشي في هذا الطريق"

(الله يرحمه ويسكنه فسيح جناته)


شنو أصعب المواقف اللي مريتي بها ؟

وداع اغلى واقرب صديقة لي من سنة أولى ابتدائي الى الجامعة واحنا سوا ما افترقنا يوم..
لانها تزوجت وسافرت..
لكن الحمد لله الى الان على تواصل معها..
:063:

شنو موقفك من الحب ؟؟ وهل جربته ؟؟ هل تؤمنين بوجوده ؟؟

الحب شي جميل اذا كان صادق ،، نقي،، طاهر
مافيه كذب،، خداع

جربته ،، واكيد ماانكر وجوده..


هل تحكمين بعقلك أم بقلبك؟؟ ومن الأسبق بالتحكيم قلبك أم عقلك ؟؟

أكيد بعقلي لان العواطف تبعدك عن الواقع مرات..


هل ندمت فحياتك على شي معيّــن ؟؟؟

ما يحضرني حالياً..


في وقت الضيقة والزعل أول شخص تدورين عليه مين؟

انا طبعي مااحب ابين ضيقتي او زعلي لحد..
ارتاح وقتها بغرفتي وبين يديني
صديقي اللي فاهمني "قلمي"..

لكن اذا كان الزعل والضيق فوق طاقتي.. ادور على حضن امي..
"الله لا يحرمني منها"


أكثر شخص ترتاحين له وتبثين له همومك ؟

صديقتي الله لا يفرقنا..


إنسان يجيب لك الإكتئاب ؟

الشخص اللي يحتقر من حوله،، واللي يعتبر نفسه هو فوووووووووووووق والكل بعينه حشرات..
:007::007:

أكثر شي يفرحك ؟

لما اكون متضايقة ويبتسم في وجهي طفل..
احس وقتها ان الدنيا فعلا ما تسوى لحظة زعل..


أكثر شخص في المنتدى نفسك تقابلينه ؟

بصراحة الكل..
قررت اعزمكم على حسابكم في منتجع الريع..

ما رأيك بهذه الكلمات ..

الخيانة
كلمة مؤلمة تخلف الكثير من الدمااااااااااااااااااااااار النفسي والاجتماعي..


الرجل
مانستغني عن وجوده في الحياة..
سواء أب،، أخ،، قريب،، حبيب..


الصداقة
مافي احلى منها اذا كانت صداقة صادقة بمعنى الكلمة..


النميمة
عادة سيئة اتمنى تنمحي من الوجود..


النفاق
لو كان النفاق رجل لقتلته..



والحين
منو عنده اسئلة..
"خذوا راحتكم"
<< لكن بحدوووووووووووووود..:007:


"يعطيك العافية يا Silver Lion "