لي صاحب(ن) من اول إذا قمت اناديه
الشوق من بين المحاني يشبه

اتقول لي لبيه لبيه لبيه
واانا اتفدابه مع كل لبه

واليوم شكله ظايق(ن) ماعرف اشفيه
من الوصل ريح المفارق تهبه

لو كان ظاق بسبه اجيه وارضيه
المشكله ظايق ومن دون سبه

ياهيه ياهيه يامغرور ياهيه
هذا ترا ماهو نظام الاحبه

لو قالو العذال وش انت تبغيه
ابيه رمز(ن) للوفا والمحبه

ابغيه دام كل ما مر طاريه
اغيض به عذالي الي تسبه

سولف معي لكن من دون تشبيه
بيني وبينك شبه لا تشبه

انت تقول انا اخر انسان تغليه
وانا اقول انت اول انسان احبه