بسم الله الرحمن الرحيم
السلام عليكم ورحمة الله وبركاته
عندما كنت في المرحلة المتوسطة كنت أنا وزميلي نلعب بين
الحصص في (الخمس الدقائق) المهم انا سويت فيها ذكي قلت
ابتخبى خلف باب الفصل وأخذت معي سجاده وقلت اول ما يدخل
زميلي أبلف السجادة على راسه واحط راسه بين ذراعي واعصر راسه
عصر ,, المهم قاعد أنتظره وأول ما حسيت انه يبي يدخل الفصل
نقزت عليه ولفيت راسه بالسجاده وعصر وعصر في راسه ,,
شوي الا يوم الفصل هجد ما عاد فيه صوت عرفت ان الفصل ما يهجد
إلا إذا شاف الوكيل !! وأطالع إلا والعصا في يد اللي أنا خانقه بالسجاده
وأنا اشيل السجاده عن راسه والا والله الوكيل رايح فيها طايح شماغه
ومنحاس شعره والمشكله انه (قصير) ولا يلبس عقال وهذا
اللي خلاني ما انتبه له انه وكيل المدرسة
وأنا اقول في نفسي شكلي رحت فيها وأحيان بالقوه أكتم الضحك.
والله ويوقفني جنب السبوره وافتح يدك وعشر عصيات .. بس كل وحدة
مثل النار يمغط الخيزرانه لين يخليها متساويه مع ظهره وفرش
لين خلاني اناقز نقيز
بس ما بكيت هههههه . :66:
والسؤال اللي يطرح نفسه لو كنت محل الوكيل وش تسوي ؟!
- تتقبلها بصدر رحب وتضحك
- تطيح فيني ضرب
- تعليق آخر من عندك
وبنتظار ردودكم