حلم السنين
كنا نحلم وإحنا أطفال صغيرين
وكنا نبني بيوتنا من الطين
ونسمّع ضحكاتنا لكل الحاضرين
ونعيش العمر مع أهلنا الطيبين
تذكر يوم قلت لي ماتبين تلعبين
يوم رميت علىّ عروستي والفساتين
كنت تقولي بسرعة وإلا أذبحك الحين
واتبعك وأنت دايم تسبقني بخطوتين
نلعب سوا ونجري ما بين البساتين
تقطف لي الورد ولازم أخذ منك وردتين
تقول وحده لك ... والثانية ياترا لمين ؟
وأنا اغافلك واخطفها من يدك اليمين
ومرت علينا ومن بين أيدينا السنين
وشفت زولك في فرح بين المدعوين
وزاد لك في قلبي شوق وحنين
ومدري ليش أمسى ليلي حزين
وبعد عام مر بحياتي كنه عامين
جتني أمي تقول ماتبين تتزوجين
البنات في سنك عندها ولد أو ولدين
وانتي قمر يابنتي ويستاهلك ولد زين
انتظرتك كثير وأحمده رب العالمين
جمعني فيك والفرحة صارت فرحتين
فرحة لقانا اليوم وفرحة الحب الدفين
والحين عرفت الوردة الثانية لمين ؟
|