شوق هذي مثل طلّ الصبـح لأغصـان الحدايـق
يبتسـم قطـر النـدى لاباسـتـه أو باسـهـا
شوق هذي بنت لامن شفت صدر الليل ضايـق ..
أدري ان عيون شوق اليـوم طـال نعاسهـا !
من هنا تصحى ويصحى الحب في عيون الخلايق
ومن هنا تغفى وتنسى الارض ضحكـه ناسهـا
يسعد الله قلب شوق اللي كثـر ماهـوب بايـق ..
من قلوب الخلق..مااذكر مـرّ يـوم وداسهـا
لأن شوق أرق بنت..ولو قسـت ماهـوب لايـق
حيّرتني شوق ..الأجمل : هـي..والا أحساسهـا !؟
بالها لاضاق زانت..كيف لامن صـار رايـق!؟
في انتباهتها براءه..كيـف اجـل هوجاسهـا !؟
العمر لو كـان ضحكـه شوق تكفينـي دقايـق
بس اخاف ان مت..تحني شوق فوقـي راسهـا
شوق لـو تبكـي لموتـي مالـي الا افـز فايـق
من قبل لاامـوت أكثر..مـن نشيـج انفاسهـا
شوق .. لاتعطين بال لمن يقـول المـوت عايـق
الجسـد موتـه يفـك الـروح مـن حراسهـا
ماأحبك فـوق الارض وبـس ياكـل الخلايـق
حتى تحت الارض أحبـك يابعـد مـن داسهـا
شوق لو ماقلـت فيهـا بيـت واحـد ماتضايـق
لأن مالي شعـر ينشـر لـو رفـض كراسهـا
اختار بعدي العضو حالي ذوق
قصيدة للشاعر حامد زيد