يا كثر الاصحاب يوم العب والدشره
يوم الملاهـي تـــدوّر من يلهيها
من اول شقتي بالناس محتشره
يوم العزوبية الي كنت مغليها
واليوم لا عاد لا خوه ولا عشره
الله ولا رفقـة هـذي تـواليها
ناس مع المصلحه عشره على عشره
وان حدك الوقت حدة لك جنابيها
اللي حياته مع البيلوت والنـشره
واللي يحب الدشوش ولاهيٍ فيها
واللي على الخط دايم فاغرالكشره
سمّاعته طول ليله ما يوطّيهـــا
واللي مزاجه مع القصات والبشره
ماله هدف والنصايح ما يدانيهـا
واللي مع الناس لا يفقه ولايشره
شقراً مع الخيل لا هجّت تباريها
ذي عيّنه في شباب اليوم منتشــره
عسى الذي جابها من الارض يمحيها
اهل المصالح معرّفتهم كما القشره
لا نظّف الراس بالصابون ينهـيها
هذا كلامٍ علينا واجبٍ نشــره
وما تحرق الجمره الا رجل واطيها
__________________