منتديات أعز الناس - عرض مشاركة واحدة - {{ الورد جميل

04-19-2012, 08:26 AM

الله عليك ( يا أبو سامي ) ومع الورد يحلى

الكلام ...

وهذي أبيات ملطوشة برضه في الورد ...

(( ايا ورد لا مــوني وأنا أمجــدك يا ورد
ومن لامنـي في الـورد والله ما ألومـه !

لو إنه يـشم الورد كان أستحق الـرد
ولكن روحـه من شـذا الـورد محــرومه

شذا الورد للي يعرف الورد برق ورعد
ولا فـاتني عـن طــيب الورد معــلومــه

تعلمت منـه إن الزمن فيه جـزر ومــد
ومن لم يصا نع ربما ضاعت عـلومـه

تعلمت منـه إن الزمان الردي لـه حـد
ولا شفت غصنٍ يطرح الورد مـن يومـه

ولا حظـت كيف الورد وافـي يصون العـهد
ولا يجرح إلا من بـه صفــات مــذمـومــه

ولا حظت كيف الفرع يحمـل صفات الجـد
وكيف الورود بمـصدر الشهـد مختــومـه

وبعض الورود اللي بها شوك تشفي الكبد
وبعض الورود اللي بلا شوك مســمومـه

ولا كل ماياقف على الـورد يصنـع شـهد
ولاكل من يرقى الجـبل يعـرف سنـــومه

ترى الديـرة اللي تـزرع الورد كـف وزند
ترى الديــرة اللي تزرع الـورد مــرحومه

بكاء الورد عطـر ,ومن هشيمه بخور وند
وكـلٍ يصـف ورده علـى قـدر مفهـــومـه

وأنا ما أغرس إلا طـيب الورد , قبل وبعد
ولا أقـرب من الورد المزيف , ولا أسومه))

((

. ماجرحت الورد يوم إنك رميته
ماجرحت إلا خفوقي وإشتياقي .

. يوم طاح الورد دنقت وخذيته
وردةٍ حمرا وناري وإحتراقي .

. مات في صدري كلام ولاحكيته
لكن الشرهه على قلبي وساقي . ))

يعطيك العافية على الموضوع وأحلى باقات الورد

لأحلى ( أبو سامي ) ..