الله على ريح السَّمر لااشعلوا فيـه
............................. تدنيـــه نسمــات الليــالي واشمّــه
يحيــر فكــري وقتــها في طـواريـه
............................. طاري ٍيروح شتات وطاري يلمّـه
ليل الشتاء يطول لااقفت عصاريــه
............................. ليلـه طويــل وكل عاشــق بهمــّـه
أحدٍ مـولــّع وأحدٍ الشــوق حـاديــه
............................. وأحــدٍ معـه خِلـه ولا احــدٍ يهمــّه
وأحدٍ معـه من خِلـه طيــفٍ يبـاريـه
............................. وأحدٍ يقضّـي الليــل بهمّـه وغمّـه
وأحدٍ عطـاه الحـظ واجزل عطاويـه
............................. خـِلّــه بجنبــه كل وقــتٍ يضـمــّـه
وانا مـع اللي حظــه دايـم معاديـــه
............................. يقضــي لياليــه بالظــلام مدلهمــّه
أسبابـها اللـي باعنـي وانا شـاريــه
............................. وقربــه دوا قلبــي وبعــده يسمـّه
يا كم وكم يخطي علي دوم وارضيـه
............................. ومنِّـي حنــان ٍ ما يشوفه من امّه
يا قــو قلبــه يومه اقفـت خطـاويــه
............................. فينــي ولا راعَـى ضميـر ٍ وذمـّـه
يا ليتـنـي دايـــم ظـلالــه وابــاريــه
............................. والا ولـد خال ٍ له والا ابن عمـّـه
ميـر البــلا عني المسافـه تقصويـه
............................. لا نـيب حـولــه لا ولا نيب يَمـّـــه
رجيتك يا راعي السَّمــر لو تطفيـه
............................. مافيـــه عذروبٍ ولا هــو مذمـّـــه
لاشك ريحـه يجـذب الفكــر يدعيــه
............................. وقلبـي مع الطـاري عذابـه يعمّــه