منتديات أعز الناس - عرض مشاركة واحدة

05-05-2012, 02:14 PM

وش غيّرك يا غاية الـروح وش فيـك
قطعت وصلك من ســلام(ن) يجينــي
وانا طمــوحي يالغــــــلا فـي ثوانيــك
أرجي وصـالك ينعــش الــروح فيني
في ما مضــى يمّــي تزفـّك خطاويـك
تسـرع بك الخطــوه عسـى تلتقينــي
واليوم اشوف الوقت أخلف مباديــك
صابك برود(ن) لو سترته يبيـن(ي)
خَــف اشتياقـك يا بعــد روح مغليــك
وبنيــت ســـور الصــد بينــك وبينـي
ما عـــدت افــرّق بيـن هـذي وهذيك
مـدري أخــو والا حبيــب(ن) تبينـي
انا معــك في كــل امــورك واجاريك
من حــرّ مابــي والشقــا محتوينــي
حدد لي الوجهه عسى الروح تفديك
احتـــرت تبغـــى فرقــاي والا تبيني
كانك تبـي قربـي عمري بين اياديك
يفداكِ العمــر كلـــه وجملــة سنيني
وكانك نويــت البعـــد ربــي يهنّيــك
لا صــار ذا قــرارك وش في يدينــي

********************
أرجو ان تلامس هرم ذائقتكم وتنال إعجابكم