ودي اطلق عنانــها روحي لكــن مابيدي حيله
دوم أتخيــل يــوم العزا دفـنك وتكفيني
صـورة ماتفارقني وومافي خيالي صوره بديله
***
يابوي من بعد ما سكنت اللحـود
عرفت أنا بعدك مر الهم وشينه
عرفت معنى الحرمان وفرض القيـــود
تحن له روحي لكن ويني و وينه
وينك يا للي ما طلبتك وقلت لي مـــردود
وصار ضميري للتعاسـة خزينـــــــه
يقولون بتنسيك الأيام وطول العهــــــود
كيف أنسى من سقاني من حبه وحنينـه
أبوي أهدي لك هذه الأبيات ..
ياأبوي ذكرك على بالي وطاريه..
يدوم مع عمري سنينه وشهوره..
لا مانسيتك طيفك معي وأباريه ..
وذكرك على قلبي هنا وسروره..
ودي أضم ترابك واشيل وأحثيه..
على شليلي والعي صوت وصوره..
لكن بحكمة خالق الكون وواليه..
حرّم علي الشرع قبرك لا أزوره..
لا شك كل حيٍّ والموت طاريه..
والكل ينتظره اليا جاه دوره..
دعيت من يسقي الوحش في مفاليه..
يرحمك دعوه من معاليق نوره..
ودار الكرامه ياجعلك في عواليه ..
وروحك في جنة الفردوس امغموره..
ياأبوي وأنا بنتك لي الفخر والتيه ..
والمرجله باأسمك تباهي بحضوره..
أبوي..
اسأل الله تعالي ان يرحمك ويوسع لك في قبرك
وان يغفر لك جميع ذنووبكـ وخطـــايااكـ
وان تجمعني مع ابي في جناتك
يــــــــــــــارب..