المشاركة الأصلية كتبت بواسطة أبو سامي

عسـى الولـــي يا أمـي بالخيــر يجزيـك
.................وعسى السعـــاده ماتفــــارق محيّـــــاك
يا ناظــــري يا عــلّ عينــي ما تبكــيــك
................. والكــون ما يســـوى يا روحــي بليّــاك
لو العمــر سلعـــة مخاليـــق لاعطيــــك
................. عمـري اللي ما يـوازي جملة عطايـاك
لافـــديك بعيــوني وبالقلــب لافــــــديك
................. واعطيـــكِ روحـي لاجل بسمة ثنايــاك
كم كنت في صغــري مشاغب ومشقيك
................. ولا من مرضت زادت عليــكِ بلايــــاك
يامـا سهــرتِ الليــل والنـــوم يجفيــك
................. ارخصـتِ بصحتـــك في راحـة رعاياك
ياما حضنتــي نايـــــم ٍ بيــــن ايــاديـك
................. ولا فتّحَــــت عينـــه تبــــاشَر برؤيـاك
خـوفـــك عليــنا كبــــار دوم ٍ يبــاريك
................. تترجمــت نصايحـــــك في وصــايــاك
ماالحـق جـــزاكِ وجنتي تحت رجليك
................. أرجــي الــولي يغـفر ويدمـح خطاياك
مالِك مثيــل ٍ وبالمــلا مـــن يـــوازيك
................. وما احــد ٍ تجــاوز بالمـــزايا مزايـاك
مهمـا فعــلت وقـلت والله فـلا اوفيــك
................. أبسط حقـــوقك يالغـــلا مــن سواياك